ఇక నారా భువనేశ్వరి కూడా వెనుకంజ వేయలేదు. ఆమె ఎన్టీఆర్ ట్రస్ట్ ఆధ్వర్యంలో పలు సేవా కార్యక్రమాల్లో పాల్గొంటూ రాష్ట్రంలోని వివిధ ప్రాంతాలను సందర్శించారు. కుప్పంలో జరిగిన సామాజిక సేవా కార్యక్రమాలు, మహిళా శక్తి మీటింగ్‌లతో నిమగ్నమయ్యారు. ఫలితంగా ఆమె కూడా గత వారం కేవలం రెండు రోజులపాటు మాత్రమే ఇంటికి వెళ్లగలిగారు. నారా లోకేష్ విషయానికి వస్తే – ఆయన ఆస్ట్రేలియా పర్యటన ముగించుకుని వచ్చాక ఇంట్లో కొద్దిసేపు విశ్రాంతి తీసుకుందామని అనుకున్నా, అదే రోజు కాశీబుగ్గ ఆలయంలో జరిగిన తొక్కిసలాట ఘటన ఆ ప్రణాళికలను చెదరగొట్టింది. వెంటనే శ్రీకాకుళానికి వెళ్లి బాధితులను పరామర్శించారు. ఆ తర్వాత ప్రజాదర్బార్ కార్యక్రమాలు, అనంతపురం పర్యటన, బీహార్ ఎన్నికల ప్రచారంలో పాల్గొనడం ఇలా ఆయన షెడ్యూల్ క్షణం తీరిక లేకుండా సాగిపోయింది.
చంద్రబాబు, లోకేష్ ఇద్దరూ తండ్రి–కొడుకుగా మాత్రమే కాదు, రాజకీయ రంగంలో ‘టీడీపీ పునర్నిర్మాణం’ అనే లక్ష్యంతో శ్రమిస్తున్నారు. ప్రజల్లో నేరుగా మమేకమవ్వడం, సమస్యలు వినడం, పరిష్కారాలు సూచించడం - ఇవే ఇప్పుడు వారి జీవనశైలి అయ్యాయి. టీడీపీ వర్గాల ప్రకారం, “ఈసారి కుటుంబం కన్నా రాష్ట్ర ప్రజలే చంద్రబాబు కుటుంబానికి ప్రాధాన్యం అయ్యారు” అని చెప్పడంలో అతిశయోక్తి లేదు. వారం రోజులుగాకుండా పది రోజులుగా కూడా ఇంటి ఆవరణను చూడని పరిస్థితి ఏర్పడటమే ఈ విషయం ఎంత సీరియస్‌గా ఉందో చూపిస్తోంది. మొత్తం మీద - చంద్రబాబు కుటుంబం ప్రజలతో కలసి జీవిస్తున్న ఈ దశ, టీడీపీకి కొత్త ఉత్సాహాన్ని, ప్రజల్లో కొత్త నమ్మకాన్ని తీసుకువచ్చిందనే చెప్పాలి!
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి