మొదటి దశ పంచాయతీ ఎన్నికలకు సంబంధించి 4,236 గ్రామాలలో నామినేషన్లు జరగగా.. ఇందులో సర్పంచ్, ఉప సర్పంచ్ ఎన్నికలు ఈనెల 11న జరగబోతున్నాయి. వీటికి సంబంధించి కనీసం 80 వేల నామినేషన్లు వస్తాయని అధికారులు అంచనా వేసుకున్నప్పటికీ కేవలం 37,440 నామినేషన్లు మాత్రమే వచ్చాయి. అలాగే మరికొన్ని ప్రాంతాలలో కూడా ఏకగ్రీవం ఎన్నికలు జరిగాయని అధికారులు తెలుపుతున్నారు. కొన్నిచోట్ల సర్పంచ్ లేకుండా వార్డు మెంబర్లు కూడా సింగిల్ నామినేషన్ దాఖలు కావడం చేత ఏకగ్రీవమైంది.ఇలా వీటన్నింటిని లెక్కేసి సోమవారం రోజున అర్హత ఉండేటువంటి నామినేషన్ల వివరాలను తెలియజేస్తామని అధికారులు తెలుపుతున్నారు. అలాగే డిసెంబర్ 3వ తేదీ వరకు నామినేషన్లు ఉపసంహరణ గడువు ఉంటుందని తెలియజేశారు.
డిసెంబర్ 2వ తేదీన రెండవ దశ ఎన్నికల నోటిఫికేషన్ విడుదలచేయబోతున్నారు. 4,333 పంచాయితీలలో ఎన్నికలు జరగనుండగా ఇందులో కూడా కొన్ని వేలంపాట జరగబోతున్నాయి ,మరికొన్ని ఏకగ్రీవంగా జరిగే అవకాశాలు ఎక్కువగా ఉన్నాయట. ఇప్పటికే ఖమ్మం జిల్లాలో ఒక సర్పంచ్ పోస్టుకి రూ.20 లక్షలకు ఒక వ్యక్తి పాడుకున్నప్పటికీ తాజాగా నల్గొండ జిల్లాలోని చిన్నఅడిశర్లపల్లి గ్రామ పంచాయతీకి సంబంధించిన వెంకటయ్య గౌడ్ ఏకగ్రీవమయ్యారు.. తనను ఏకగ్రీవంగా ఎంచుకుంటే రూ.50 లక్షల రూపాయలు గ్రామానికి అందిస్తానని చెప్పడంతో ఏకగ్రీవంగా ఎంచుకున్నట్లుగా తెలుస్తోంది.. ఈ గ్రామంలో మూడవ విడత పంచాయతీ ఎన్నికలు జరగబోతున్నాయి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి