ముందుగా హార్దిక్ పాండ్యా తో కలిసి ఎంతో అద్భుతమైన షాట్లు ఆడుతూ పరుగులు రాబట్టిన రిషబ్ పంత్ 133 పరుగుల భాగస్వామ్యాన్ని నెలకొల్పాడు. ఆ తర్వాత హార్దిక్ పాండ్యా అవుట్ అయినప్పటికీ తన దూకుడు మాత్రం ఎక్కడా తగ్గించకుండా తనదైన శైలిలోనే మ్యాచ్ ముగించాడు అని చెప్పాలి. 113 బంతుల్లో 125 పరుగులు చేశాడు. ఇందులో రెండు సిక్సర్లతో పాటు 16 ఫోర్లు కూడా ఉండటం గమనార్హం. ఈ క్రమంలోనే టీమిండియా గెలుపుకు కారణమైన రిషబ్ పంత్ కే మాన్ అఫ్ ది మ్యాచ్ అవార్డు వరించింది. ఇక అవార్డు ప్రజెంటేషన్ సమయంలో రిషబ్ పంత్ కి నగదుతో పాటు షాంపైన్ బాటిల్ కూడా ఇచ్చారు నిర్వాహకులు..
అయితే ఆటగాళ్లు ఎవరైనా సరే షాంపైన్ బాటిల్ ని భద్రంగా దాచుకుంటారు. కానీ రిషబ్ పంత్ మాత్రం ఎవరూ ఊహించని పని చేశాడు. మైదానంలో కామెంటేటర్ గా వ్యవహరిస్తున్న మాజీ కోచ్ రవిశాస్త్రికి షాంపైన్ బాటిల్ బహుమతిగా ఇచ్చాడు రిషబ్ పంత్. ఇందుకు సంబంధించిన వీడియో కాస్త ప్రస్తుతం సోషల్ మీడియాలో వైరల్ గా మారిపోయింది. రవి శాస్త్రి హెడ్ కోచ్ గా ఉన్న సమయంలో రిషబ్ పంత్ తో మంచి సాన్నిహిత్యం ఏర్పడింది అన్న విషయం తెలిసిందే. ఇక మొదట్లో పంత్ చాలాసార్లు విఫలమైనప్పటికీ రవిశాస్త్రి మాత్రం అతని మీద నమ్మకంతో వరుస అవకాశాలు ఇచ్చి మెరుగైన క్రికెటర్గా తీర్చిదిద్దాడు.
