ఎందుకంటే అంపైర్ల జోలికి వెళ్ళినప్పుడు అది ఏమాత్రం బెడిసికొట్టిన కూడా చివరికి ఐసీసీ నిబంధనలు ఉల్లంఘించి నట్లు అవుతుంది. తద్వారా ఇక జరిమానా పడే అవకాశం కూడా ఉంటుంది అన్న విషయం తెలిసిందే.. కానీ కొంతమంది ప్లేయర్లు మాత్రం అంపైర్ల తో కూడా సరదా సంభాషణలు చేయడం విచిత్రంగా ప్రవర్తించడం వంటివి చేస్తూ ఉంటారు. ఇలాంటివి చేస్తే సోషల్ మీడియాలో హాట్ టాపిక్ గా మారిపోతూ ఉంటుంది అని చెప్పాలి. ఆసియా కప్లో శ్రీలంక పాకిస్తాన్ మధ్య జరిగిన మ్యాచ్ లో ఇలాంటి ఆసక్తికర ఘటన చోటు చేసుకుంది.
ఆసక్తి కరంగా జరిగిన ఫైనల్ మ్యాచ్లో చివరికి శ్రీలంక జట్టు విజయం సాధించింది అన్న విషయం తెలిసిందే. ఆరవసారి ఆసియా కప్ విజేతగా నిలిచింది లంక జట్టు. అయితే శ్రీలంక బ్యాట్స్ మెన్ భానుక రాజపక్సా కష్టాల్లో ఉన్న జట్టును ఆదుకున్నాడు. తన బ్యాటింగ్ తో అదరగొట్టేశాడు. ఈ క్రమంలోనే ఒకానొక సమయంలో బంతి బ్యాట్ కు తగిలి నట్లుగా అనిపించడంతో పాకిస్తాన్ ఎల్ బి డబ్ల్యు అప్పీల్ చేసింది. కానీ అది నాటౌట్గా తేలింది. ఇక ఆ సమయంలో అంపైర్ వద్దకు వెళ్లిన పాకిస్థాన్ ఆటగాడు షాదాబ్ సరదాగా అంపైర్ చేతిని పైకి లేపుతూ అవుట్ ఇస్తున్నట్లు ప్రకటించాడు. ఇక దీంతో అంపైర్ కూడా నవ్వుతున్నాడు అని చెప్పాలి. ఈ వీడియో ట్విట్టర్ లో వైరల్ గా మారింది.