ప్రతీ వ్యక్తి సొంతింటి కోసం కలలు కంటారు. కొందరు ఆ కలను సాకారం చేసుకోగా మరికొంత మంది మాత్రం ఆ కలను కలగానే భావిస్తారు ఎందుకంటే ఇల్లు కట్టుకోవడం లేదంటే కొత్తగా ఇంటిని కొనుగోలు చేయడం అనేది పెద్ద మొత్తంతో కూడుకున్న వ్యవహారం. అందువల్ల చాలా మంది దగ్గర ఈ స్థాయిలో డబ్బులు ఉండక తమ కలను నెరవేర్చుకోలేరు. మరికొంత మంది మాత్రం బ్యాంకుల నుంచి హోమ్ లోన్ తీసుకొని ఇంటిని కొనుగోలు చేస్తుంటారు. ఈ హోమ్ లోన్స్‌పై వడ్డీ రేటు అనేది బ్యాంక్ ప్రాతిపదికన మారుతూ ఉంటుంది. అందువల్ల మీరు హోమ్ లోన్ తీసుకునే ముందు ఏ బ్యాంక్‌లో తక్కువ వడ్డీ ఉందో ముందు తెలుసుకోవాలి. తర్వాత ప్రాసెసింగ్ ఫీజు సహా ఇతర చార్జీలను గమనించాలి. అటుపైనే హోమ్ లోన్ కోసం అప్లై చేసుకోవాలి. ఇప్పుడు తక్కువ వడ్డీకే హోమ్ లోన్స్ అందిస్తున్న టాప్ 9 బ్యాంకులు ఏమిటంటే....

1. ప్రభుత్వ రంగానికి చెందిన బ్యాంక్ ఆఫ్ బరోడా హోమ్ లోన్స్‌పై 0.25 శాతం వడ్డీ తగ్గింపు అందిస్తోంది. అంతేకాకుండా ఇప్పుడు bank of Baroda బ్యాంక్ ప్రాసెసింగ్ ఫీజును కూడా వసూలు చేయడం లేదు. వడ్డీ రేటు 7 శాతం నుంచి ప్రారంభమౌతోంది.

2. రెండో అతిపెద్ద ప్రభుత్వ రంగ బ్యాంక్ పంజాబ్ నేషనల్ బ్యాంక్ PNB కూడా పండుగ ఆఫర్‌లో హోమ్ లోన్ అందిస్తోంది. ప్రాసెసింగ్ ఫీజు సహా ఇతర చార్జీలను మాఫీ చేసింది. వడ్డీ రేటు 7.1 శాతం నుంచి ప్రారంభమౌతోంది.

3. బ్యాంక్ ఆఫ్ ఇండియా bank of india కూడా తక్కువ వడ్డీకే రుణాలు అందిస్తోంది. ఈ బ్యాంక్‌లో హోమ్ లోన్స్‌పై వడ్డీ రేటు 6.85 శాతం నుంచి ప్రారంభమౌతోంది. అయితే 0.25 శాతం ప్రాసెసింగ్ ఫీజు వసూలు చేస్తోంది.

4. Central bank of Indiaలో హోమ్ లోన్స్ 6.85 శాతం నుంచి ప్రారంభమౌతోంది. సెంట్రల్ బ్యాంక్ ఆఫ్ ఇండియా ప్రాసెసింగ్ ఫీజు 0.5 శాతం పడుతుంది.

5. దేశీ అతిపెద్ద బ్యాంక్ స్టేట్ బ్యాంక్ ఆఫ్ ఇండియా sbi కూడా చౌక వడ్డీకే రుణాలు అందిస్తోంది. ప్రాసెసింగ్ ఫీజు మాఫీ ఉంది. అయితో యోనో యాప్ ద్వారానే లోన్‌ కోసం అప్లై చేసుకోవాలి. వడ్డీ రేటు 6.95 శాతం నుంచి ప్రారంభమౌతోంది.

6. ప్రైవేట్ రంగానికి చెందిన హెచ్‌డీఎఫ్‌సీ బ్యాంక్ hdfc bank కూడా తక్కువ వడ్డీకే హోమ్ లోన్స్ ఆఫర్ చేస్తోంది. ప్రాసెసింగ్ ఫీజు ఉండదు. వడ్డీ రేటు 6.95 శాతం నుంచే ప్రారంభమౌతోంది.

7. ప్రైవేట్ రంగానికి చెందిన మరో ప్రముఖ బ్యాంక్ ఐసీఐసీఐ బ్యాంక్ కూడా ఫెస్టివ్ బొనాంజా అందిస్తోంది. ఈ బ్యాంక్‌లో హోమ్ లోన్స్‌పై వడ్డీ రేటు 6.9 శాతం నుంచి స్టార్ట్ అవుతోంది. ప్రాసెసింగ్ ఫీజు రూ.3,000 నుంచి పడుతుంది.

8. కోటక్ మహీంద్రా బ్యాంక్ కూడా వడ్డీ రేట్లను తగ్గించింది. 7 శాతం నుంచి వడ్డీ రేటు ప్రారంభమౌతోంది. అంతేకాకుండా బ్యాంక్ లోన్‌పై ప్రాసెసింగ్ ఫీజు వసూలు చేయడం లేదు.

9. టాటా హౌసింగ్ కంపెనీ ప్రత్యేక స్కీమ్‌తో హోమ్ లోన్స్ తీసుకువచ్చింది. ఏడాదికి కాలానికి 3.99 శాతం వడ్డీ రేటుతో హోమ్ లోన్స్ అందిస్తోంది. నవంబర్ 20 వరకు మాత్రమే ఈ ఆఫర్ అందుబాటులో ఉంటుంది. ఇంకా ఇతర బెనిఫిట్స్ కూడా పొందొచ్చు.

మరింత సమాచారం తెలుసుకోండి: