ప్రమాదాలు మరియు సామాజిక భద్రత :
రహదారి ప్రమాదాలు ఈ ఏడాది కూడా తీవ్ర ప్రభావం చూపాయి. ముఖ్యంగా కర్నూలు వద్ద ప్రైవేటు ట్రావెల్స్ బస్సు అగ్నిప్రమాదానికి గురై, పదుల సంఖ్యలో ప్రయాణికులు సజీవ దహనమైన ఘటన రాష్ట్రవ్యాప్తంగా సంచలనం సృష్టించింది. మరోవైపు, మహిళలు మరియు బాలికల భద్రత కోసం కూటమి ప్రభుత్వం కఠిన చర్యలు తీసుకుంటున్నట్లు ప్రకటించినా, రాష్ట్రంలో అక్కడక్కడా జరిగిన అఘాయిత్యాలు ప్రభుత్వానికి ఇబ్బందికరంగా మారాయి.
రాజకీయ వివాదాలు - క్షేత్రస్థాయి సవాళ్లు :
రాజకీయంగా చూస్తే, ఇసుక మరియు మద్యం వ్యవహారాలు ప్రభుత్వ ప్రతిష్టను కొంతమేర దెబ్బతీశాయి. సొంత పార్టీ నాయకులే ఈ వ్యవహారాల్లో తలదూర్చడం ప్రభుత్వానికి ఇరకాటంగా మారింది. ముఖ్యంగా:
విజయవాడ ఎంపీ vs తిరువూరు ఎమ్మెల్యే: కొలికపూడి శ్రీనివాసరావు మరియు ఎంపీ మధ్య చెలరేగిన అంతర్గత విభేదాలు తెలుగుదేశం పార్టీలో చర్చనీయాంశమయ్యాయి.
ఉత్తరాంధ్రలో కూటమి నేతల మధ్య భూముల విషయంలో తలెత్తిన ఘర్షణలు రాజకీయంగా కాకరేపాయి. ప్రజల నుంచి వ్యతిరేకత వస్తుందని భావించిన ప్రభుత్వం కొన్ని కీలక నిర్ణయాల్లో వెనక్కి తగ్గడం విశేషం. తొలుత పెంచిన విద్యుత్ ఛార్జీలను ఉపసంహరించుకోవడం, రిజిస్ట్రేషన్ ఛార్జీల పెంపును నిలిపివేయడం వంటి చర్యలు ప్రజలకు కొంత ఉపశమనాన్ని ఇచ్చాయి. అదే సమయంలో, ప్రధాన ప్రతిపక్షం వైసీపీపై రాజకీయంగా తన దూకుడును ప్రభుత్వం ఏమాత్రం తగ్గించలేదు. ఫైనల్గా 2025 సంవత్సరం ఆంధ్రప్రదేశ్కు అటు అభివృద్ధి లక్ష్యాలు, ఇటు విషాద సంఘటనల కలయికగా నిలిచింది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి