సినీ ఇండస్ట్రీలో నాటి నుంచి నేటి వరకు హీరోయిన్లుగా తమ హవాను కొనసాగిస్తున్న వారిలో చాలామంది ఉన్నారని చెప్పవచ్చు. అయితే వీరు సినీ ఇండస్ట్రీలోకి బాలనటులుగా అడుగు పెట్టి , కెమెరా ముందు తమ ప్రతిభను చూపించి,ఆ తర్వాత హీరోయిన్లుగా స్టార్ పొజిషన్ ను అనుభవిస్తున్నారు. అలాంటి వారిలో ఎవరెవరు బాలనటిగా సినీరంగ ప్రవేశం చేసి , ప్రస్తుతం స్టార్స్ గా కొనసాగుతున్నారో వారిపై ఒక లుక్కేద్దాం..
1. అవికా గోర్:
సూపర్ హిట్ సీరియల్ "బాలికా వధు"హిందీ సీరియల్ లో బాలనటిగా నటించి , బాగా పాపులారిటీ ని అందుకున్న ఈ ముద్దుగుమ్మ..తెలుగులో కూడా చిన్నారి పెళ్లి కూతురు సీరియల్ ద్వారా మంచి ఫేమ్ ను అందుకుంది. ఇక ప్రస్తుతం రాజ్ తరుణ్ సరసన ఎన్నో చిత్రాలలో నటించి మంచి హీరోయిన్ గా గుర్తింపు తెచ్చుకుంది.2. హన్సిక:
స్టైలిష్ స్టార్ అల్లుఅర్జున్ సరసన దేశముదురు సినిమా ద్వారా తెలుగు సినీ పరిశ్రమకు పరిచయమైన హన్సిక, సినిమాలలోకి రాకముందు ఎన్నో షోలలో, సీరియల్స్ లో,సినిమాలలో బాల నటిగా నటించి బాగా పాపులారిటీని అందుకుంది.3. శ్వేత బసు ప్రసాద్:
వరుణ్ సందేశ్ సరసన కొత్త బంగారులోకం సినిమాలో నటించి, ఎకడా.. అనే డైలాగ్ తో బాగా పాపులారిటీ అందుకున్న ఈ భామ, బాలనటిగా పలు సినిమాలలో నటించింది. అగ్ని సినిమాలో బాలనటిగా నటించిన తీరుకు జాతీయ అవార్డు కూడా లభించింది.4. షామిలీ:
జగదేకవీరుడు అతిలోకసుందరి సినిమాలో తన అక్క షాలిని తో పాటు కలసి నటించిన ఈ చిన్నారి, అంజలి సినిమాలో నటించిన నటనకు గాను ఉత్తమ బాల నటిగా అవార్డు కూడా అందుకుంది. సిద్ధార్థ్ సరసన ఓయ్ చిత్రంలో హీరోయిన్ గా నటించి అందరినీ ఆకట్టుకుంది.5. షాలిని :
చైల్డ్ ఆర్టిస్ట్ గా దాదాపు నలభై సినిమాలలో నటించి, మంచి గుర్తింపు తెచ్చుకున్న ఈ భామ, సఖి సినిమాలో హీరోయిన్ గా అడుగుపెట్టింది. ఇక ఆ తరువాత తమిళ్ లో దాదాపు పది చిత్రాలలో హీరోయిన్ గా నటించింది.6. శ్రీదివ్య:
అర్జున్, జగపతి బాబు కలిసి సంయుక్తంగా నటించిన హనుమాన్ జంక్షన్ సినిమాలో చైల్డ్ ఆర్టిస్ట్ గా నటించి, ఆ తర్వాత మనసారా చిత్రం ద్వారా హీరోయిన్ గ నటించింది. ప్రస్తుతం సినీ ఇండస్ట్రీలో మోస్ట్ వాంటెడ్ హీరోయిన్ గా మారిపోయింది.7. కీర్తి సురేష్:
మహానటి ద్వారా బాగా పాపులారిటీ అందుకున్న కీర్తి సురేష్ ప్రముఖ నిర్మాత సురేష్ కుమార్ , నటి మేనకల కూతురు. కీర్తి సురేష్ తన తల్లి ప్రోత్సాహంతో చైల్డ్ ఆర్టిస్ట్గా సినీ ఇండస్ట్రీలోకి అడుగుపెట్టి ,నేను శైలజ చిత్రం ద్వారా హీరోయిన్ గా అందరి మనసులను గెలుచుకుంది.