అయితే ఈ రెండు మూవీస్ తరువాత మరొక బిగ్ డైరెక్టర్ శంకర్ తో ఒక భారీ పాన్ ఇండియా మూవీ చేయడానికి ఇప్పటికే సిద్ధం అయ్యారు చరణ్. ఇటీవల ఎంతో వైభవంగా అధికారిక పూజా కార్యక్రమాలు కూడా ఈ మూవీ జరుపుకుంది. భారీ యాక్షన్ తో కూడిన కమర్షియల్ ఎంటర్టైనర్ గా సాగుతూ తన మార్క్ భారీ విజువల్స్ మరియు మెసేజ్ వంటి అంశాలను కూడా కలగలిపి శంకర్ ఈ సినిమాని ఎంతో గ్రాండ్ లెవెల్లో తీయనున్నట్లు టాక్ . కియారా అద్వానీ హీరోయిన్ గా నటించనున్న ఈ సినిమాలో బాలీవుడ్, కోలీవుడ్, టాలీవుడ్ నటులు కీలక పాత్రలు చేయనున్నట్లు సమాచారం.
అయితే లేటెస్ట్ గా పలు ఫిలిం నగర్ వర్గాల నుండి అందుతున్న న్యూస్ ప్రకారం ఈ సినిమాలో మరొక హీరోయిన్ కూడా నటించనుందని, ఇప్పటికే ఆ పాత్ర కోసం ఒక యువ నటిని ఎంపిక చేసిన యూనిట్, త్వరలో ఆమెని కలిసి కాల్షీట్స్ తీసుకున్న అనంతరం అఫీషియల్ గా అనౌన్స్ చేయనున్నారని సమాచారం. కాగా ఈ సినిమాని దిల్ రాజు తన శ్రీ వెంకటేశ్వర క్రియేషన్స్ సంస్థ వారి 50వ మూవీ గా ఎంతో భారీ స్థాయిలో పాన్ ఇండియా మూవీగా దీనిని నిర్మించనున్నారు. ఇక ఈ భారీ సినిమా పై మెగా ఫ్యాన్స్ తో పాటు ఆడియన్స్ లో కూడా విపరీతమైన అంచనాలు ఉన్నాయి. త్వరలో సెట్స్ మీదకు వెళ్లనున్న ఈ మూవీ వచ్చే ఏడాది ప్రేక్షకుల ముందుకు రానుంది.