దక్షిణాది చిత్ర పరిశ్రమలో ప్రస్తుతం మోస్ట్ వాంటెడ్ క్యారెక్టర్ ఆర్టిస్ట్ గా మారిపోయాడు అని చెప్పాలి. అయితే అటు తెలుగు చిత్ర పరిశ్రమలోనే కాదు కన్నడ మలయాళం తమిళ చిత్ర పరిశ్రమలో కూడా ఎన్నో సినిమాల్లో నటించి తన కంటూ ప్రత్యేకమైన గుర్తింపును సంపాదించుకున్నాడు. శరత్ కుమార్ ఏదైనా పాత్రలో నటిస్తున్నాడు అంటే చాలు ఆ పాత్ర ఒక రేంజిలో ఉండబోతుంది అని ప్రేక్షకులు అంచనాలు వేసుకుంటూ ఉంటారు. అంతలా తన నటనతో అందరినీ ప్రభావితం చేశాడు శరత్ కుమార్. అయితే ఇటీవల కాలంలో మాత్రం అంతగా సినిమాల్లో కనిపించడం లేదు. ఇక ఇప్పటికే రాజకీయాల్లో కూడా తన అదృష్టాన్ని పరీక్షించుకున్నాడు అన్న విషయం తెలిసిందే.
అయితే ఇటీవలే ఒక ఇంటర్వ్యూ కి హాజరైన శరత్ కుమార్ తన పర్సనల్ లైఫ్ గురించి పలు విషయాలను అభిమానులతో పంచుకున్నాడు. తాను మొదట పేపర్ బాయ్ గా పని చేశాను అంటూ చెప్పుకొచ్చాడు. అయితే ఇక రానున్న రోజుల్లో మీరు రాజకీయాల్లోకి వెళ్తారా లేదా సినిమాల్లో కొనసాగుతారా అని అడగగా.. సినిమాల్లో ఇంకా ఏదో సాధించాలనే ఉంది. ఇంకా ఎంతో అద్భుతమైన పాత్రలు చేయాలని ఉంది. ఇంకా చాలా కాలం సినిమాల్లో గొప్ప పాత్రలు చేసి మళ్లీ సూపర్ స్టార్ గా మారాలని అనుకుంటున్నాను. ప్రస్తుతం ఈ వయసులో కూడా అమితాబచ్చన్ స్టార్గా కొనసాగుతూ ఉన్నారు. ఆయనే నాకు ఆదర్శం అంటూ శరత్ కుమార్ చెప్పుకొచ్చారు.
