ప్రస్తుతం రీమేక్ కథల విషయంలో కాస్త మెగా ఫ్యామిలీలో పెద్ద హీరోలు కూడా ఆసక్తి చూపించడం పట్ల నిర్మాతలు కూడా ఆశ్చర్యం వ్యక్తం చేస్తున్నారు. ప్రధానంగా తమిళం మలయాళం మీద ఎక్కువగా దృష్టి పెట్టిన చిరంజీవి అలాగే రామ్చరణ్ రీమేక్ సినిమాలు చేసేందుకు రెడీగా ఉన్నారని అంటున్నారు. అటు పవన్ కళ్యాణ్ కూడా ఇతర భాషల మీద ఎక్కువగా ఫోకస్ పెడుతూ రీమేక్ సినిమాలను చేస్తూ మంచి విజయాలు నమోదు చేశారు. చిరంజీవి ప్రస్తుతం రీమేక్ సినిమాల మీద ఎక్కువగా దృష్టి పెట్టారు అనే వార్తలు కూడా తెలుగు సినిమాలో ఎక్కువగా వినబడుతున్నాయి.
ప్రస్తుతం ఉన్న పరిస్థితుల్లో తెలుగు సినిమాలలో చాలా వరకు కూడా అగ్రహీరోలు రీమేక్ కథలలో చేయడానికి ఒకటికి పదిసార్లు ఆలోచిస్తున్న తరుణంలో చిరంజీవి వెంట వెంటనే కథలను ఎంచుకున్నట్టుగా తెలుస్తోంది. ప్రస్తుతం చిరంజీవి మలయాళ రీమేక్ మీద దృష్టి పెట్టగా త్వరలోనే మరో రీమేక్ సినిమా మీద దృష్టి పెట్టే అవకాశం ఉందని వార్తలు వస్తున్నాయి. దీనికి సంబంధించి ఒక ప్రముఖ దర్శకుడు కథ సిద్ధం చేస్తున్నారని ఈ నేపథ్యంలోనే తెలుగు కి తగిన విధంగా కథను మారుస్తున్నారని టాలీవుడ్ వర్గాలు అంటున్నాయి. మరి ఈ సినిమా ఎప్పుడు ముందుకు రాబోతుంది అనేది చూడాలి.