అయితే రవితేజ కూడా నాగార్జున లాగానే ఆలోచిస్తున్నాడు. ఆయన చేసిన సాహసమే ఇప్పుడు చేస్తున్నాడు. ఆయన హీరోగా నటించిన కిలాడీ చిత్రాన్ని ఫిబ్రవరి 10వ తేదీన విడుదల చేసేందుకు సన్నాహాలు చేసుకుంటున్నాడు. ఈ మేరకు అధికారిక ప్రకటన కూడా వచ్చింది. మొదటి నుంచి ఈ చిత్రాన్ని ఫిబ్రవరిలో విడుదల చేయాలనేది రవితేజ ఆలోచన. ఆ ఆలోచనకు తగ్గట్టుగానే ఫిబ్రవరి 10వ తేదీన ఈ సినిమాను ప్రేక్షకుల ముందుకు తీసుకువస్తున్నారు. రమేష్ వర్మ దర్శకత్వంలో తెరకెక్కిన ఈ సినిమా వాస్తవానికి ఎప్పుడో విడుదల కావాల్సి ఉండగా ఆర్థిక కారణాల నేపథ్యంలో ఈ సినిమా కొన్ని రోజులు వాయిదా పడింది.
అయితే ఆర్థిక కారణాల వల్ల ఎక్కడ ఈ సినిమా ఆగిపోతుందో అనే భయం ప్రేక్షకులలో నెలకొనగా ఎట్టకేలకు ఆఖరి షెడ్యూల్ ను ఇటీవలే పూర్తి చేసిన చిత్ర బృందం ఇప్పుడు పోస్ట్ ప్రొడక్షన్ పనుల్లో నిమగ్నమై ఉంది. ఫిబ్రవరి 1వ తేదీ వరకు అన్ని రకాల కార్యక్రమాలను పూర్తి చేసి ఈ సినిమా ప్రమోషన్ కార్యక్రమాలు మొదలు పెట్టాలని చిత్ర యూనిట్ ఆలోచన. మీనాక్షి చౌదరి డింపుల్ హయాతి హీరోయిన్లుగా నటించిన ఈ సినిమాకు దేవిశ్రీ ప్రసాద్ సంగీతం సమకూర్చగా ఇప్పటికే ఈ చిత్రం నుంచి వచ్చిన టీజర్ ప్రేక్షకులను విపరీతంగా ఆకట్టుకుంది. మరి ఈ సినిమా ఎంతటి విజయాన్ని సాధిస్తుంది చూడాలి.
