ఈ సినిమాతో దనుష్ క్రేజ్ మరింత పెరిగింది. దాంతో దనుష్ నటిస్తున్న సినిమాలపై ప్రేక్షకులలో ఆసక్తి పెరిగిపోయింది. తాజాగా దనుష్ సంక్రాంతి కానుకగా మరొక కొత్త సినిమా ను ప్రకటించాడు. ఈ సినిమాకు కూడా విలక్షణ డైరెక్టర్ సెల్వరాఘవన్ దర్శకత్వం చెయ్యబోతున్నాడని తెలుస్తుంది. ఇప్పటికే వీరిద్దరి కాంబినేషన్ లో అయిరత్తిల్ ఒరువన్( యుగానికి ఒక్కడు ) సీక్వెల్గా అయిరత్తిల్ ఒరువన్2(యుగానికి ఒక్కడు 2) ను అనౌన్స్ చేసిన సంగతి తెలిసిందే..
తాజాగా వీరిద్దరి కాంబినేషన్లో సంక్రాంతి కానుకగా మరొక సినిమాను కూడా ప్రకటించడంతో దనుష్ అభిమానులు ఫుల్ ఖుషీ గా ఉన్నారు. ఈ సినిమా ఫస్ట్ లుక్, టైటిల్ను చిత్ర యూనిట్ రిలీజ్ చేసింది. ప్రముఖ నిర్మాత కలైపులి థాను ఈ సినిమాను తీస్తున్నారు. "నానే వరువేన్" టైటిల్తో ఈ సినిమా రూపొందనుంది. ఈ సినిమాకి యువన్ శంకర్ రాజా సంగీతాన్ని అందిస్తున్నారు. టైటిల్ పోస్టర్లో కూలింగ్ గ్లాస్ ధరించారు ధనుష్.. తన వెనుక వేర్వేరు రకాల తుపాకులతో అదిరిపోయే లుక్లో ధనుష్ కనిపిస్తున్నాడు. ఇప్పటికే ఈ సినిమా షూటింగ్ మొదలైందని.. త్వరలోనే సినిమాలో నటించబోయే హీరోయిన్, ఇతర నటీనటుల వివరాలను ప్రకటిస్తారని టాక్ వస్తోంది.