ఇక ఈ సినిమాని ఆహా యాప్ కొనుక్కున్న సంగతి తెలిసిందే. దీంతో ఈ సినిమాని ఎప్పుడు యాప్ లో రిలీజ్ చేస్తారు అనే దాని మీద చర్చ జరుగుతోంది. థియేటర్స్ లో మంచి క్రేజ్ ఉండటంతో ఈ సినిమా రిలీజ్ ఇప్పట్లో ఉండదని భావిస్తున్నారు. తాజాగా అందుతున్న సమాచారం మేరకు ఈ సినిమా వచ్చే నెల ఎనిమిదో తారీఖు నుంచి ఆహా యాప్ లో స్ట్రీమ్ కానున్నట్లు చెబుతున్నారు. అప్పటికి ఎలాగూ సినిమా రిలీజ్ చేసి నెల రోజులు దాటుతుంది.
సో అప్పుడు ఈ సినిమాని రిలీజ్ చేస్తే లీగల్ గా ఎటువంటి ఇబ్బందులు ఉండవు. సో అదే రోజు రిలీజ్ చేసే అవకాశాలు కనిపిస్తున్నాయి. ఇక ఈ సినిమాని బాలీవుడ్ లో రీమేక్ చేసే అవకాశాలు ఉన్నాయని కూడా ప్రచారం మొదలైంది. సోనూసూద్ ఈ సినిమాలో హీరోగా నటించే అవకాశం ఉందని అంటున్నారు. ఆయనే సొంతంగా ఈ సినిమాని నిర్మించి బాలీవుడ్ లో రిలీజ్ చేయాలని భావిస్తున్నట్లు ప్రచారం మొదలైంది. ఇప్పటికే ఈ సినిమా రైట్స్ కోసం సోను టీం నిర్మాత ఠాగూర్ మధు ని సంప్రదించినట్లు చెబుతున్నారు.