బుల్లితెరపై యాంకర్ గా తన స్టామినాను చాటుకున్న ఉదయభాను. కొంత కాలం అటు బుల్లితెరకు, ఇటు సినిమాలకు కాస్త బ్రేక్ ఇచ్చింది. దీనికి ప్రధాన కారణం తన కవల పిల్లలను చూసుకోవడం కోసమేనని ఇంతకు ముందు ఇంటర్వ్యూలలో చెప్పారు. అయితే గత కొద్ది రోజులుగా ఉదయభాను రీ ఎంట్రీ పై రకరకాల ఊహాగానాలు వినిపిస్తున్నాయి. అయితే ఈమె రీఎంట్రీ ఇస్తున్నది ఎప్పటిలాగే బుల్లి తెరపై కాదట, డైరెక్ట్ గా వెండితెరపైనేనట. టాలీవుడ్ అగ్ర హీరో నట సింహ బాలకృష్ణ లేటెస్ట్ ప్రాజెక్ట్ అఖండ చిత్రంలో ఓ కీలక పాత్రలో ఈమె నటించినన్నుట్లు తెలుస్తోంది. ఈ సినిమాలో గ్రామ సర్పంచ్ కి భార్యగా ఉదయభాను నటిస్తున్నట్లు టాక్ వినిపిస్తోంది. అయితే ఈ చిత్రంలో ఉదయభాను క్యారెక్టర్ కి చాలా ప్రాధాన్యం ఉండనుందట. ఒక కీలకమైన మలుపు ఈ పాత్ర వలనే కలుగుతుందని సమాచారం. అయితే ఈ విషయంపై ఆమె నుండి కానీ లేదా చిత్ర బృందం నుండి కానీ పూర్తి క్లారిటీ రావాల్సి ఉంది.
దర్శకుడు బోయపాటి శ్రీను, బాలయ్య కాంబోలో వస్తున్న హ్యాట్రిక్ చిత్రమిది. వీరి కాంబినేషన్ లో ఇప్పటికే తెరకెక్కిన సింహా, లెజెండ్ సినిమాలు బ్లాక్ బస్టర్ గా నిలవగా, ఇప్పుడు ఈ సినిమాపై అంతకు మించిన భారీ అంచనాలు ఉన్నాయి. ద్వారక క్రియేషన్స్ పతాకంపై మిర్యాల రవీందరెడ్డి ఈ చిత్రాన్ని నిర్మిస్తున్నారు. ఈ సినిమాలో బాలయ్య ద్విపాత్రాభినయం చేయనున్నారు. ప్రగ్యా జైస్వాల్ హీరోయిన్ గా చేస్తోంది. ఈ సినిమాలో హీరో బాలకృష్ణ మొట్ట మొదటిసారిగా అఘోర పాత్రలో నటిస్తుండడం విశేషం. ప్రస్తుతం మంచి ఫామ్ లో ఉన్న సంగీత దర్శకుడు తమన్ అఖండ మూవీకి సంగీతాన్ని సమకూరుస్తున్నారు.
ఇలా భారీ అంచనాల మధ్య తెరకెక్కుతున్న ఈ చిత్రంలో ఉదయభాను రీఎంట్రీ ఉండబోతోందన్న వార్త ప్రస్తుతం వైరల్ గా మారింది. ఇలాంటి అద్భుతమైన కాంబినేషన్ లో వస్తున్న అఖండ సినిమా ద్వారా ఉదయభాను కెరీర్ మళ్ళీ ఉపందుకుంటుందా లేదా అన్నది ఆమె పెర్ఫార్మన్స్ పై ఆధారపడి ఉంటుంది. ఇప్పటికే ఈ సినిమా నుండి విడుదలయిన పోస్టర్, టీజర్ లు ప్రేక్షకులను ఆకట్టుకుని అంచనాలను మరింత పెంచాయి. మరి ఈ అంచనాలను అందుకోవడంలో బాలయ్య సక్సెస్ అవుతాడా లేదా చూడాలి.