తమిళనాట స్టార్ హీరోగా ఉన్న విజయ్ సేతుపతి ఇటీవలే తెలుగులో ఉప్పెన సినిమా ద్వారా పరిచయం అయి తెలుగు లో వరుస సినిమాలు చేసుకుంటూ పోతున్నాడు. గతంలో కొన్ని డబ్బింగ్ సినిమాల ద్వారా తెలుగు వారికి పరిచయమైన విజయ్ సేతుపతి ఇప్పుడు డైరెక్ట్ తెలుగు సినిమాలు చేయడానికి ఎంతో ఆసక్తిగా చూస్తున్నాడు. ఆయన ప్రస్తుతం పాన్ ఇండియా స్టార్ అనడంలో ఎవరికీ ఎటువంటి సందేహం లేదు.
అన్ని భాషల సినిమాల్లో నటిస్తూ తనకంటూ ఒక ప్రత్యేకమైన గుర్తింపు దక్కించుకున్న విజయ్ సేతుపతి ఇప్పుడు కోటి రూపాయల పారితోషికం అందుకుంటున్న బిజీయేస్ట్ యాక్టర్. ఇటీవల కాలంలో తాను చిన్నతనంలో ఎంత ఇబ్బందులు పడ్డాడో తెలియజేశాడు. చదువుకునే సమయంలో రోజు సాయంత్రం ఖర్చుల కోసం పాస్ట్ ఫుడ్ సెంటర్ లో పని చేసే వాడిని వెల్లడించారు. ఆసమయంలో రాత్రి 7:00 నుంచి 12:30 దాకా పని చేసే వాడిని, అక్కడే భోజనం కూడా చేసేవాడిని, 750 రూపాయలు జీతం ఇచ్చేవారని చెప్పాడు. చాలా రోజుల పాటు ఒకే ఫాస్ట్ ఫుడ్ సెంటర్ లో పనిచేస్తూ వచ్చాను అని చెప్పుకొచ్చాడు.
ఇదే కాకుండా ఇంకొన్ని రోజులు టెలిఫోన్ బూత్ లో పని చేశాను అని చెప్పాడు. ఒకప్పుడు వంద రూపాయల కోసం కష్టపడే విజయ్ సేతుపతి ఇప్పుడు ఒక రోజుకి దాదాపు 10 లక్షలకు పైగా రెమ్యునరేషన్ అందుకుంటున్నాడు. టైం కలిసి రావడంతో టాలెంట్ కూడా విపరీతంగా ఉండడంతో కష్టపడితే ఖచ్చితంగా ఏదో ఒక రోజు మంచి పొజిషన్ కు వెళ్తాను అన్న నమ్మకం ఉండటంతో విజయ్ సేతుపతి ఇప్పుడు ఈ రేంజ్ కు ఎదగగలిగాడు. ఇటీవలే విజయ్ దళపతి తో మాస్టర్ సినిమాలో కలిసి నటించిన విజయ్ సేతుపతి ప్రస్తుతం కమలహాసన్ విక్రమ్ సినిమాలో నటిస్తున్నాడు. విలన్ గా హీరోగా క్యారెక్టర్ ఆర్టిస్ట్ గా అన్ని రకాల పాత్రలు చేస్తున్న ఒకే ఒక్క నటుడు విజయ్ సేతుపతి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి