ఈ నేపథ్యంలో ఐశ్వర్యారాయ్ పాత్రకు సంబంధించిన వివరాలు బయటకు వచ్చేశాయి. "మారి 2", "సేతుపతి" ఫేమ్ నటుడు, చైల్డ్ స్టార్‌గా నటించిన మాస్టర్ రాఘవన్ మురుగన్ కూడా ఇందులో కీలకపాత్రలో కనిపించబోతున్నాడు. ఆయన తన ఇన్‌స్టాగ్రామ్ హ్యాండిల్‌లో ఇటీవల చేసిన పోస్ట్‌లో ఐశ్వర్య రాయ్‌తో కొన్ని సెల్ఫీలు పంచుకున్నారు. అంతే కాదు అతను అభిమానుల కోసం ఇన్‌స్టాగ్రామ్‌లో కొన్ని ఆసక్తికర విషయాలను పంచుకున్నాడు. ఆ సెషన్ లోనే ఐశ్వర్య 'నందిని' పాత్రను, రాఘవన్ 'పాండియా ప్రిన్స్' చిన్నప్పటి పాత్రను పోషిస్తున్నట్టు వెల్లడించారు. దివంగత రచయిత కల్కి కృష్ణమూర్తి రాసిన ప్రసిద్ధ నవల "పొన్ని సెల్వన్" ఆధారంగా మణిరత్నం "పొన్నియన్ సెల్వన్"ను తెరకెక్కిస్తున్నాడు. సినిమాపై అంచనాలు మాత్రం వేరే లెవెల్ లో ఉన్నాయి. దాదాపు తమిళ స్టార్ హీరోలు అందరూ ఈ సినిమాలో ప్రత్యేక పాత్రలతో ప్రేక్షకులను థ్రిల్ చేయనున్నారు. ఈ సినిమా త్వరగా విడుదల కావాలని మణిరత్నం అభిమానులు కోరుకుంటున్నారు. ప్రస్తుతం చిత్రీకరణ దశలో ఉంది.
