ఇకపోతే ఈ సినిమా షూటింగ్ ఇప్పటికే ప్రారంభమైంది. పవన్ కళ్యాణ్ తో కలిసి రానా షూటింగ్ లో పాల్గొనడం జరిగింది. ఇక ఈ సందర్భంగా పవన్ కళ్యాణ్ గురించి పలు విషయాలను సోషల్ మీడియా ద్వారా పంచుకున్నాడు. "పవన్ కల్యాణ్ వ్యక్తిత్వానికి, ఎక్స్పీరియన్స్ కి తప్పకుండా గౌరవం ఇవ్వాల్సిందే. అంతే కాదు సెట్ లో అందరితో సమానంగా ఉంటారు. ఇక షూటింగ్ విరామ సమయంలో అందరితో సంతోషంగా ఉంటూ, జోకులు కూడా వేస్తుంటారు. ఆయనకు సినీఇండస్ట్రీలో ఎంత అనుభవం ఉంటే తప్ప అంత చక్కగా నటిస్తారు.
అయినా పవన్ కళ్యాణ్ తో కలసి నేను నటిస్తున్నానని ఇప్పటికి కూడా నమ్మలేకపోతున్నాను. అంతే కాదు ఆయన తో కలిసి స్క్రీన్ షేర్ చేసుకోవడం నా అదృష్టం.. ఇక ఆయన నుంచి నేను చాలా నేర్చుకోవాలి. ఆయన అనుభవం లో నా అనుభవం చాలా చిన్నది. ఈయన అనుభవాలను, జీవితాన్ని ఒక పుస్తకం కూడా రాయొచ్చు. అంతేకాదు పవన్ అంటేనే ఒక పుస్తకం. ఒక పుస్తకం చదివిన ప్రతిసారీ కొత్త విషయాలను తెలుసుకుంటారు. అలాగే పవన్ కళ్యాణ్ తో ఉన్న ప్రతి సారి ఏదో ఒక అనుభూతిని పొందుతారు అని పవన్ కళ్యాణ్ పై " ప్రశంసల వర్షం కురిపించాడు రాణా.
