സൂര്യയെ കല്യാണം കഴിച്ചതുകൊണ്ടും, മതം മാറാത്തതിന്റെ പേരിലും ഇപ്പോഴും അപമാനിക്കുന്നുണ്ട്; സൂര്യ- ഇഷാൻ! 2018 ജൂൺ 29 നായിരുന്നു ഇരുവരുടെയും വിവാഹം. കുടുംബാംഗങ്ങളുടെ പൂർണ്ണ സമ്മതത്തോടെ തിരുവനന്തപുരം മന്നം മെമ്മോറിയൽ ഹാളിൽ സ്‌പെഷ്യൽ മാര്യേജ് ആക്ട് പ്രകാരം ആണ് ഇരുവരുടെയും വിവാഹം നടന്നത്. നിങ്ങളുടെ ജീവിതം ഒരു മാസം മാത്രമേ നിലകൊള്ളൂ എന്ന് പറഞ്ഞവർക്ക് മുൻപിൽ അന്തസോടെയാണ് ഞങ്ങൾ നാല് വര്ഷം പൂർത്തിയാക്കിയതെന്നു പപറയുകയാണ് ഇരുവരും. എങ്കിലും മതപരമായ ചില ബുദ്ധിമുട്ടുകൾ തങ്ങളെ ഇപ്പോഴും അലട്ടുന്നുണ്ട് എന്നും ഇരുവരും പറയുന്നു. ആദ്യത്തെ കണ്മണിക്കായുള്ള കാത്തിരിപ്പിലും അതിനായുള്ള ചികിത്സയിലും ആണ് കേരളത്തിലെ ആദ്യത്തെ ട്രാൻസ്‌ജെൻഡർ ദമ്പതികളായ സൂര്യയും ഇഷാനും. ആ സ്വപ്നത്തിലേക്കുള്ള യാത്രയിലാണ് ഇരുവരും.
ഇന്ത്യയിലെ ആദ്യ ട്രാൻസ് കപ്പിൾ എന്ന വിശേഷണം ഉള്ള ഇരുവരും ജീവിതം ആരംഭിച്ചിട്ട് നാലാം വർഷത്തിലേക്ക് കടക്കുകയാണ്. സൂര്യ ബിഹൈൻഡ് വുഡ്സിനോട് സംസാരിച്ചു തുടങ്ങുന്നു. ഒരു ട്രാൻസ് ആയ ഒരു വ്യക്തിക്ക് വിവാഹം എന്നതൊക്കെ വിദൂര സ്വപ്നമായ ഒരു കാലത്താണ് വിവാഹം കഴിക്കണമെന്ന ആവശ്യം ഇക്ക പറയുന്നത്. എനിക്ക് എന്നെ തന്നെ മാറ്റിയ ഒരു സംഭവം ആയിരുന്നു ആ വിവാഹാലോചന.ഇന്ത്യയിലെ ആദ്യ ട്രാൻസ് കപ്പൾസായ സൂര്യയും ഇഷാനും ഒരുമിച്ചൊരു ജീവിതം തുടങ്ങിയിട്ട് നാലാം വർഷത്തിലേക്ക് കടക്കുകയാണ്. ആദ്യം വിവാഹമെന്ന ഒരു അഭിപ്രായം തന്നെ പറയുന്നത് ഇക്കയാണ്. ഒരു ധൈര്യത്തോടെ എന്നെ വിവാഹം കഴിക്കണം കുടുംബത്തോടെ കൊണ്ട് പോകണം എന്ന് എന്നോട് പറയുന്ന ആദ്യത്തെ വ്യക്തിയും ഇക്ക ആയിരുന്നു.
അതിനു മുൻപുവരെ പ്രണയം ഉണ്ടായിട്ടുണ്ട്. വിവാഹം കഴിക്കാം എന്നൊക്കെയും പലരും പറഞ്ഞിട്ടുണ്ടെങ്കിലും അതൊക്കെ ആരും കേൾക്കാതെ മാത്രം ധൈര്യം ഇല്ലാതെയുള്ള സംസാരം മാത്രമായിരുന്നു. എന്നാൽ അത്രയും ധൈര്യത്തോടെ അന്തസ്സോ ടെ കൈപിടിച്ച് കൊണ്ട് പോകണമെന്നു പറഞ്ഞത് ഇക്ക മാത്രമാണ്. പ്രൊപ്പോസൽ ഒന്നും ആദ്യമൊന്നും പറഞ്ഞില്ല. പേപ്പറിൽ എഴുതി വയ്ക്കുകയാണ് ചെയ്തത്. കണ്ണുകൾ കൊണ്ട് ഞങ്ങൾ രണ്ടുപേരും പ്രണയിച്ചിരുന്നു. പിന്നീട് വിവാഹത്തിലേക്ക് എത്താൻ പോകുന്നു എന്ന് അറിഞ്ഞപ്പോൾ കുറെ ആളുകൾ എന്നെ എതിർക്കുകയും ചെയ്തു. ഒരു മാസത്തേക്ക് മാത്രമാണ് ഞങ്ങളുടെ ബന്ധം എന്ന് ആക്ഷേപിച്ച ഒരുപാട് ആളുകൾ ഉണ്ട്. അവരുടെ മുൻപിൽ ആണ് അന്തസ്സോടെ ഞങ്ങൾ ഇന്ന് ജീവിക്കുന്നത്.
ഇന്ന് മാട്രിമോണിയൽ കോളങ്ങളിൽ ട്രാൻസിനു ഒരു കോളം തന്നെ ക്രിയേറ്റ് ചെയ്തിട്ടുണ്ട്. പലരും സ്വകാര്യാകാര്യങ്ങളിൽ എങ്ങനെ എന്ന് വരെയും ചോദിച്ചിട്ടുണ്ട്. ആകാംഷയോടെ ഞങ്ങളുടെ ജീവിതത്തിലേക്ക് നോക്കിയിട്ടുണ്ട്. നിങ്ങളെ പോലെ ജീവിച്ചാൽ മതി എന്ന് ചിന്തിക്കുന്ന ഒരുപാട് ആളുകളുണ്ട്. ശരിക്കും പറഞ്ഞാൽ വിവാഹം കഴിഞ്ഞ പിറ്റേദിവസം സഹോദരി ചോദിച്ച ചോദ്യം പറയാതെ വയ്യ. അത് സത്യം പറഞ്ഞാൽ ഒരുപാട് സന്തോഷം നൽകിയിരുന്നു. നിങ്ങളുടെ ആദ്യരാത്രി എങ്ങനെ ആയിരുന്നു എന്നായിരുന്നു ആ ചോദ്യം. പുറത്തു ഒരാൾ ആയിരുന്നു എങ്കിൽ അടി ആകുന്ന ചോദ്യം.
Find out more:
സൂര്യയെ കല്യാണം കഴിച്ചതുകൊണ്ടും, മതം മാറാത്തതിന്റെ പേരിലും ഇപ്പോഴും അപമാനിക്കുന്നുണ്ട്; സൂര്യ- ഇഷാൻ!
click and follow Indiaherald WhatsApp channel