అదే విధంగా తన కొడుకుతో ఒక షార్ట్ ఫిలిం ప్లాన్ చేసేందుకు రెడీ అవుతున్నాడని తన భార్య స్నేహారెడ్డి సూచనల మేరకు ఒక దర్శకుడి తో మాట్లాడాడు అని ఆ దర్శకుడు కూడా షార్ట్ ఫిలిం చేయడానికి రెడీ అయ్యాడని సమాచారం. ఈ షార్ట్ ఫిలిం సమాజానికి ఒక సలహా ఇచ్చే విధంగా ఉంటుందని కూడా టాలీవుడ్ వర్గాలు అంటున్నాయి. కథకు సంబంధించి స్నేహ రెడ్డి సూచనల మేరకు ఈ సినిమా చేస్తున్నాడని కూడా తెలుస్తోంది.
ఒకసారి కథ ఎలా ఉంటుంది ఏంటి అనేది చూస్తే ఒక సాఫ్ట్వేర్ ఇంజనీర్ కుటుంబం ఉద్యోగం చేసే సమయంలో పడుతున్న ఇబ్బందులు అలాగే భార్య భర్తలు ఇద్దరూ ఉద్యోగం చేసే సమయంలో ఆ ప్రభావం పిల్లల మీద ఏ విధంగా పడుతుంది అనేది ఈ సినిమాలో చూపిస్తారు అని అంటున్నారు. దీనికి సంబంధించిన కథ కూడా స్నేహ రెడ్డి ఇచ్చినట్టుగా సమాచారం. మరి ఈ కథ ఎప్పుడు ముందుకు వెళుతుంది ఏంటనే దానిపై స్పష్టత లేకపోయినా ఈ దర్శకుడు మాత్రం ఖచ్చితంగా వంశీ పైడిపల్లి అనే వ్యాఖ్యలు వినిపిస్తున్నాయి. మరి భవిష్యత్తులో ఈ సినిమా ముందుకు వెళుతుందా లేదా అనేది తెలియాల్సి ఉంది.