టాలీవుడ్ మెగాస్టార్ చిరంజీవి హీరోగా వస్తున్న తాజాగా చిత్రం "గాడ్ ఫాదర్". ఈ సినిమా ఇప్పటికే మలయాళంలో మోహన్ లాల్ హీరోగా వచ్చిన లూసిఫర్ కి రీమేక్ అన్న విషయం తెలిసిందే. ఈ సినిమాలో మోహన్ లాల్ చేసిన పాత్రను చిరంజీవి చేస్తున్నారు. ఈ సినిమాను ప్రముఖ తమిళ డైరెక్టర్ మోహన్ రాజా ఎంతో ఛాలెంజ్ గా తీసుకుని తెరకెక్కించారు. ఈ సినిమా ను పాన్ ఇండియా మూవీగా నిర్మించారు.. ఈ సినిమాలో చిరంజీవి తర్వాత అదే రేంజ్ ప్రత్యేకత ఉన్న పాత్ర సత్యదేవ్ చేశారు. వాస్తవంగా ఈ పాత్రను ఒరిజినల్ లో హిందీ నటుడు వివేక్ ఒబెరాయ్ చేసి అందరినీ మెప్పించాడు. వివేక్ పాత్ర భార్యను హింసిస్తూ, కూతురిని ఇబ్బంది పెట్టే విధంగా చేస్తుంటాడు.

అయితే మలయాళంలో అయితే ఈ తరహా సీన్ లు మరియు పాత్రలు చాలానే వచ్చాయి. కానీ ఇక్కడ టాలీవుడ్ లో కొన్ని రకాల సన్నివేశాలను అంగీకరించరు. ఈ కారణం వల్లనే చాలా సినిమాలు ప్లాప్ అయిన సందర్భాలు ఉన్నాయి. అయితే గాడ్ ఫాదర్ లో వివేక్ పాత్రను సత్యదేవ్ చేస్తున్నారు. ఇప్పటికే సత్యదేవ్ ఒక నటుడిగా తానేమిటో నిరూపించుకుని ఉన్నాడు. విలన్ పాత్ర చేయడం అంటే వేరు... ఇలాంటి విలన్ పాత్రను చేయడం వేరు. అయితే ఈ సినిమాలో సత్యదేవ్ పాత్ర కనుక హిట్ అయితే తనకు దేశ వ్యాప్తంగా మంచి నటుడిగా పేరు రావడమే కాకుండా, బాలీవుడ్, కోలీవుడ్ లలో కూడా మంచి అవకాశాలు వస్తాయనడంలో ఎటువంటి సందేహం లేదు.

ఇక చిరంజీవికి వీరాభిమాని అయిన సత్యదేవ్ అతన్నీ ఢీకొట్టే పాత్రలో నటించడం చాలా సర్ప్రైజ్ అని చెప్పాలి. మరి ఈ సినిమాలో తెలుగు ప్రజలకు నచ్చే విధంగా పాత్రలో ఏమైనా మార్పులు చేశారా ? లేదా అన్నది చూడాలి. ఒకవేళ మార్చకుండా ఉంటే ఎంత వరకు తెలుగు ప్రజలు తన పాత్రను అంగీకరించి సినిమాకు మంచి వసూళ్లను ఇస్తారు అన్నది చూడాలి. కాగా ఈ సినిమా దసరా కానుకగా అక్టోబర్ 5 న దేశ వ్యాప్తంగా గ్రాండ్ గా విడుదల కానుంది.  




మరింత సమాచారం తెలుసుకోండి: