స్టార్ హీరోయిన్‌గా వరుస సినిమాలు చేస్తున్న సమయంలో సమంత రూత్ ప్రభు, 'పుష్ప' సినిమాలో ఐటెం సాంగ్ చేసింది. 'ఊ అంటావా మామ' పాటతో ఇండియాని షేక్ చేసి పాడేసింది..హీరోయిన్‌గా ఛాన్సులు వస్తున్నప్పుడు ఐటెం సాంగ్ ఎందుకు చేయాల్సి వచ్చింది? తాజాగా సమంత రూత్ ప్రభు, 'పుష్ప' సినిమా ఐటెం సాంగ్‌పై కొన్ని ఇంట్రెస్టింగ్ విషయాలు బయటపెట్టింది..'నేను 'ఫ్యామిలీ మ్యాన్ 2' వెబ్ సిరీస్‌లో చేసిన రాజీ క్యారెక్టర్‌కి దగ్గరగా ఉండడం వల్లే 'పుష్ఫ' మూవీలో ఐటెం సాంగ్ చేయడానికి ఒప్పుకున్నాడు. ఈ క్యారెక్టర్ చేయాలి? ఇలాంటి పాత్రలే ఒప్పుకోవాలని నా చెవుల్లో చెప్పేవాళ్లు, ఇప్పుడు నా దగ్గర లేకపోవడమే మంచిదైంది.. నేను ఇదే చేయాలని శాసించేవాళ్లు లేరు. నేనేం చేయాలో నేనే నిర్ణయం తీసుకుంటా.. కాబట్టి తప్పులు చేయాలనుకున్నా, వాటి నుంచి నేర్చుకోవాలన్నా పూర్తిగా నా నిర్ణయమే..నటిగా నన్ను నేను విస్తరించుకోవాలని అనుకున్నప్పుడు 'ఊ అంటావా..' ఆఫర్ వచ్చింది. నిజానికి నాకు సెక్సీగా కనిపించడం కాస్త ఇబ్బందిగా ఉంటుంది. కాన్ఫిడెంట్‌గా చిట్టి పొట్టి బట్టల్లో కనిపించలేను. అందుకే దాని నుంచి బయటికి రావాలనే అనుకున్నా.. నిజానికి నేను అందంగా ఉంటాననే నాకు అనిపించదు. మిగిలిన అమ్మాయిల్లా నేను ఉండనని అనుకునేదాన్ని.. సెక్సీగా కనిపించడం నాకు తెలీదు. అందుకే అలా ట్రై చేయడాన్ని ఛాలెంజింగ్‌గా తీసుకుని.. ఆ సాంగ్ చేశాను. దానికి మంచి రెస్పాన్స్ రావడంతో కాన్పిడెన్స్ పెరిగింది..' అంటూ చెప్పుకొచ్చింది సమంత రూత్ ప్రభు..

పేరు చెప్పకపోయినా, తన మాజీ భర్త నాగ చైతన్య, తానేం చేయాలో డిసైడ్ చేసేవాడని ఇన్‌డైరెక్ట్‌గా చెప్పింది సమంత రూత్ ప్రభు. ఇంతకుముందు కూడా తన మాజీ లైఫ్ పార్టనర్, తన లైఫ్‌లో ఏం చేయాలో ఏం చేయకూడదో డిసైడ్ చేసేవాడని, అందుకే చాలా నష్టపోయానంటూ కూడా వ్యాఖ్యలు చేసింది సమంత రూత్ ప్రభు..నాగ చైతన్యతో పెళ్లైన తర్వాత సమంత చేసిన 'సూపర్ డీలక్స్', 'ఫ్యామిలీ మ్యాన్ 2' సినిమాలే, వీరిద్దరి మధ్య విభేదాలు రావడానికి కారణమయ్యాయని టాక్ వినిపించింది. ఇప్పుడు సమంత చేసిన కామెంట్ల బట్టి చూస్తే అది నిజమేనని అనిపిస్తోంది.. చైతూతో విడాకులు తీసుకున్న తర్వాత హాట్ ఫోటో షూట్స్ చేస్తున్న సమంత, కొన్ని రోజుల క్రితం నీళ్లల్లో టూ పీస్ బికినీలో ఉన్న ఫోటోలు షేర్ చేసి అందర్నీ షాక్ అయ్యేలా చేసింది.. గత ఏడాది విజయ్ దేవరకొండతో 'ఖుషీ' సినిమా చేసిన సమంత రూత్ ప్రభు, ఆ తర్వాత ఇప్పటిదాకా అధికారికంగా ఏ సినిమా ప్రకటించలేదు. అయితే బాలీవుడ్‌తో వరుణ్ ధావన్‌తో కలిసి ఓ వెబ్ సిరీస్‌లో నటిస్తోంది సమంత.

మరింత సమాచారం తెలుసుకోండి:

socialstars lifestyle

murali krishna

18/03/2024 01:45 PM