ఈ చిత్రంలో ఆర్కియాలజిస్ట్ గా మహేష్ బాబు కనిపించబోతున్నట్లు సమాచారం ఈ మేరకు మహేష్ బాబును ఆ విధంగా రాజమౌళి రెడీ చేస్తున్నారట.. ఆర్కియాలజిస్ట్ పాత్రలో మహేష్ బాబు కనిపించడమే కాకుండా ఈ పాత్రలో కామెడీతో కూడా అలరించబోతున్నారని టాక్ వినిపిస్తోంది. అన్ని సినిమాల కంటే ఈ సినిమా చాలా డిఫరెంట్గా చేయబోతున్నారని ఈ చిత్రంలో ఎక్కువ కామెడీ పెట్టేందుకు రాజమౌళి నిర్ణయం తీసుకున్నట్లు వార్తలు వినిపిస్తున్నాయి.
ఈ సినిమాను హైదరాబాద్ తో పాటు వారణాసి వంటి ప్రాంతాలలో కూడా తెరకెక్కిస్తున్నట్లు తెలుస్తోంది. ఇప్పటికే రెండు ప్రాంతాలలో ఈ చిత్రానికి సంబంధించి సినిమా షూటింగ్ సెట్లను కూడా సిద్ధం చేసినట్లు సమాచారం. వారణాసిలో జూన్ 10వ తేదీ నుంచి ఈ సినిమా షూటింగ్ ప్రారంభం కాబోతున్నదట. మరి ఇందుకు సంబంధించి చిత్ర బృందం అధికారికంగా క్లారిటీ ఇస్తుందేమో చూడాలి మరి. ఇప్పటికే ఈ సినిమా షూటింగ్ కి సంబంధించి అక్కడక్కడ పలు రకాల లీక్స్ వైరల్ గా మారుతున్నాయి.అయినప్పటికీ కూడా రాజమౌళి వీటన్నిటిని ఈసారి పట్టించుకోకుండా తనదైన స్టైల్ సినిమా చేసుకుంటూ ముందుకు వెళుతున్నారు. మొత్తానికి ఒక విభిన్నమైన పాత్రలో మహేష్ బాబును చూపించబోతున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి