ఇక ఇందుకోసం హీరో రవితేజ, హీరోయిన్ శ్రీలీలతో పాటు మరికొందరు కీలక నటీనటుల డేట్స్ మళ్లీ కావాల్సి వచ్చింది. అందరి షెడ్యూల్ ఒకే లైన్‌లో రావడం కష్టం కావడంతో కొత్త రిలీజ్ డేట్ ప్రకటించడం ఇప్పటికీ సాధ్యపడట్లేదు. ఇక మరో వైపు నిర్మాతలైన సితార ఎంటర్‌టైన్‌మెంట్స్ పరిస్థితి కూడా రిలీజ్ ఆలస్యానికి కారణమైందనే టాక్ వినిపిస్తోంది. ఈ మధ్య వచ్చిన కింగ్‌డమ్, వార్ 2 సినిమాల వల్ల భారీ నష్టాలు చవిచూసింది ఈ బ్యానర్. దీంతో ఇక తప్పకుండా హిట్ ఇవ్వాల్సిన పరిస్థితి ఏర్పడింది. నాగవంశీ కూడా ఈ సారి చాలా జాగ్రత్తగా వ్యవహరిస్తున్నారు. వార్ 2 హిట్టయితే, ఉత్సాహంలో మాస్ జాతరని కాస్త లైట్ తీసుకునే అవకాశం ఉండేది. కానీ ఫలితం తేడా కొట్టడంతో ఈ సినిమాపై మరింత శ్రద్ధ పెట్టడం మొదలెట్టారు.
ముఖ్యంగా రవితేజ కేరియర్‌కి కూడా ఈ సినిమా టర్నింగ్ పాయింట్ కావాల్సి ఉంది. గత కొన్నేళ్లుగా ఆయన సినిమాలు అనుకున్నంత ఫలితం ఇవ్వలేకపోయాయి. అందుకే మాస్ జాతరని ఆల్‌టైమ్ మాస్ ట్రీట్‌గా మలచాలని టీమ్ ఆలోచిస్తోంది. చిన్న తప్పిదమే పెద్ద ట్రోలింగ్‌కు దారి తీసే పరిస్థితి ఈ రోజుల్లో ఉంది. అలాంటి నెగటివ్ వేవ్‌ని తట్టుకోవడం చాలా కష్టం. ఈ నిజాన్ని నాగవంశీ బాగా అర్థం చేసుకున్నారు. అందుకే రిలీజ్ ఆలస్యమైనా పరవాలేదు కానీ, సినిమా క్వాలిటీపై ఎక్కడా రాజీ పడకుండా ముందుకెళ్తున్నారు.మొత్తం మీద, రవితేజ – శ్రీలీల కాంబినేషన్‌లో వస్తున్న మాస్ జాతర కోసం అభిమానులు కాస్త ఎక్కువ కాలం ఆగాల్సిందే. కానీ జాగ్రత్తగా తయారు చేస్తే, ఈ ఆలస్యం చివరికి మాస్ ఫెస్టివల్‌గా మారిపోవడంలో ఎలాంటి సందేహం లేదు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి