ఈ మ‌ధ్యే నాని నిర్మాత‌గా కూడా ట‌ర్న్ తీసుకుని దూసుకుపోతున్నాడు. ప్ర‌స్తుతం సక్సెస్ ఫుల్ యాక్ట‌ర్‌గా, ప్రొడ్యూస‌ర్ గా స‌త్తా చాటుతున్న నానికి ఇండస్ట్రీలో బెస్ట్ ఫ్రెండ్స్ ఎవ‌రో తెలుసా? ఈ ప్ర‌శ్న‌కు నానినే స్వ‌యంగా స‌మాధానం చెప్పారు. తాజాగా జ‌గ‌ప‌తి బాబు హోస్ట్ చేస్తున్న `జయమ్ము నిశ్చయమ్మురా` టాక్ షోలో పాల్గొన్న నాని.. ప‌ర్స‌న‌ల్‌, ప్రొఫెష‌న‌ల్ లైఫ్‌కి సంబంధించి ఎన్నో ఆస‌క్తిక‌ర సంగ‌తులు పంచుకున్నారు.
ఈ క్ర‌మంలోనే ఇండస్ట్రీలో తన బెస్ట్ ఫ్రెండ్స్ ఎవ‌రో కూడా రివీల్ చేశారు. రానా దగ్గుబాటి, ఆది పినిశెట్టి, నీరజ కోన.. ఈ ముగ్గురూ నానికి బెస్ట్ ఫ్రెండ్స్. అర్థ‌రాత్రి కాల్ చేసిన ప‌రిగెత్తుకొస్తార‌ట. మిడ్ నైట్ ఏదైనా సహాయం కావాలంటే మొట్టమొద మెసేజ్ చేయగలిగేంత బెస్ట్ ఫ్రెండ్స్ ఇండస్ట్రీలో ఆ ముగ్గురే అని నాని పేర్కొన్నారు. కాగా, ప్ర‌స్తుతం నాని `ది ప్యారడైజ్` మూవీతో బిజీగా ఉన్నాడు. దసరా వంటి బ్లాక్ బ‌స్ట‌ర్ అనంత‌రం నాని - దర్శకుడు శ్రీకాంత్‌ ఓదెల కాంబోలో వ‌స్తున్న రెండో చిత్ర‌మిది. ఇప్ప‌టికే ఈ మూవీ నుంచి బ‌య‌ట‌కు వచ్చిన నాని ఫ‌స్ట్ లుక్ మ‌రియు గ్లింప్స్‌కు విప‌రీత‌మైన రెస్పాన్స్ వ‌చ్చింది. చిత్రీక‌ర‌ణ ద‌శ‌లో ఉన్న ది ప్యారడైజ్ 2026 మార్చిలో విడుద‌ల కానుంద‌ని మేక‌ర్స్ అనౌన్స్ చేశారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి