రెండింటిలోనూ హీరోయిన్ సిమ్రాన్ నే. బాలయ్య సినిమా సెన్సేషనల్ హిట్ అయితే, చిరు సినిమా తీవ్ర నిరాశపరిచింది. సోనాలి బింద్రే కూడా ఇలాంటిదే. చిరంజీవితో చేసిన ‘ఇంద్ర’, ‘శంకర్ దాదా ఎంబీబీఎస్’ సినిమాలు భారీ విజయాలు సాధించాయి. ఇంద్ర అయితే ఇండస్ట్రీ హిట్. కానీ అదే సోనాలి బింద్రే బాలయ్యతో చేసిన ‘పలనాటి బ్రహ్మనాయుడు’ మాత్రం ఘోర ఫ్లాప్ అయింది. ఆ మూవీకి అదనంగా ఇంద్రలో చిరంజీవితో నటించిన ఆర్తి అగర్వాల్ కూడా జోడీగా ఉన్నా, ఫలితం మాత్రం నిరాశే. శ్రీయ శరన్ విషయానికి వస్తే.. చిరంజీవితో చేసిన ‘ఠాగూర్’ ఘనవిజయం సాధించింది. కానీ బాలయ్యతో చేసిన ‘చెన్నకేశవరెడ్డి’, ‘పైసా వసూల్’, ‘గౌతమీపుత్ర శాతకర్ణి’ ఆశించినంతగా నిలవలేదు. ప్రత్యేకంగా శాతకర్ణి చారిత్రక చిత్రమని హైప్ ఉన్నా.. చివరికి కలెక్షన్ల పరంగా పెద్దగా రాణించలేకపోయింది.
ఈ పోలికలన్నీ చూస్తే .. ఒక హీరోయిన్ చిరంజీవితో చేస్తే హిట్, అదే హీరోయిన్ బాలయ్యతో చేస్తే ఫ్లాప్ అన్నట్టుగా ఒక సెంటిమెంట్ కొనసాగుతున్నట్టు ఫ్యాన్స్ కామెంట్స్ చేస్తున్నారు. నిజానికి ఇవన్నీ యాదృచ్ఛికాలు అయినా.. మెగా – నందమూరి ఫ్యాన్స్ మాత్రం వీటిని పెద్ద ఎత్తున సోషల్ మీడియాలో ప్రస్తావిస్తూ హీట్ పెంచుతున్నారు. మొత్తానికి, చిరంజీవి – బాలయ్య రైవల్రీ కేవలం బాక్సాఫీస్ క్లాష్‌లకే పరిమితం కాకుండా, హీరోయిన్ల సెంటిమెంట్లకూ విస్తరించడం ఇప్పుడు ఆసక్తికర చర్చగా మారింది. మరి ఈ పోలికలు నిజంగానే సెంటిమెంట్ అనాలా? లేక కేవలం యాదృచ్ఛికాలా? అనేది ప్రేక్షకుల అభిప్రాయం మీదే ఆధారపడి ఉంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి