టాలీవుడ్ హీరోయిన్ కామాక్షి భాస్కర్ల గురించి ప్రత్యేకంగా చెప్పాల్సిన పనిలేదు. మొదట మోడల్ గా కెరియర్ మొదలుపెట్టి ఆ తర్వాత పలు సినిమాలలో నటించింది. కామాక్షి మొదటిసారి 2021లో ప్రియురాలు అనే సినిమా ద్వారా తెలుగు తెరకు పరిచయమైంది.ఆ తర్వాత అఖిల్ నటించిన మోస్ట్ ఎలిజిబుల్ బ్యాచిలర్ సినిమాతో మరింత క్రేజీ సంపాదించుకున్న ఈ ముద్దుగుమ్మ మా ఊరి పొలిమేర సినిమాలో అద్భుతమైన నటనతో మైమరిపించింది. ఆ తర్వాత ఇట్లు మారేడుమిల్లి ప్రజానీకం, రౌడీ బాయ్స్, విరూపాక్ష, మా ఊరి పొలిమేర 2, లైలా, షో టైం తదితర చిత్రాలలో నటించింది.


తాజాగా కామాక్షి భాస్కర్ల తన వ్యక్తిగత జీవితానికి సంబంధించి ఒక ఆసక్తికరమైన విషయాన్ని బయటపెట్టింది. ఇటీవల అల్లరి నరేష్ నటించిన 12A రైల్వే కాలనీ అనే సినిమాలో నటించింది. ఈ సినిమా నవంబర్ 21న ప్రేక్షకుల ముందుకు రాబోతోంది. ఈ సినిమా ప్రమోషన్స్ లో భాగంగా మాట్లాడుతూ.. తన మనసుకు శాంతిని బలాన్ని ఇచ్చే వింత అలవాటు గురించి తెలియజేసింది కామాక్షి. తాను ' లో ' గా లేదా ఏదైనా నిరుత్సాహంగా ఫిల్ అనిపిస్తే  మాత్రం ఖచ్చితంగా తాను స్మశానానికి వెళుతూ ఉంటానని తెలియజేసింది.


అక్కడకి వెళ్తే తాను బూస్టప్ అవుతానని మనసుకి ఏదో తెలియని ప్రశాంతత లభిస్తుందంటూ తెలిపింది. ఈ విషయం విన్న అభిమానులు ఆశ్చర్యపోతున్నారు. సాధారణంగా అక్కడికి వెళ్లాలంటే చాలా మంది భయపడుతూ ఉంటారు. కానీ కామాక్షి మాత్రం తనకు పాజిటివ్ ఎనర్జీ వస్తుందని  చెప్పడంతో ఈ విషయం సోషల్ మీడియాలో హాట్ టాపిక్ గా మారుతోంది. కామాక్షి భాస్కర్ల సినిమాల విషయానికి వస్తే ప్రస్తుతం మా ఊరి పొలిమేర 3, మెన్షన్ హౌస్ మల్లేష్ తదితర చిత్రాలను నటిస్తోంది. సినిమాలలోనే కాకుండా పలు రకాల వెబ్ సిరీస్లలో కూడా నటించి బాగానే పేరు సంపాదించింది.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

kamakshi bhaskarla comments viral

Divya

08/11/2025 02:45 PM