అధికారుల అనుమానం ఒకటే—"ఈ పైరసీ సామ్రాజ్యం రవి ఒక్కరితో ఎలా నడుస్తుంది? అతని వెనుక మరింత పెద్ద నెట్వర్క్ ఉందా?"ఈ ప్రశ్నకు సమాధానం దొరకడమే ఇప్పుడు దర్యాప్తులో ప్రధాన లక్ష్యం. పైరసీ కార్యకలాపాలతో పాటు బెట్టింగ్ యాప్‌ల ప్రకటనలు, ప్రమోషన్ల ద్వారా కూడా రవి కోట్ల రూపాయలు సంపాదించినట్టు పోలీసులు గుర్తించారు. అంటే ఐబొమ్మ కేవలం సినిమా పైరసీ వేదిక కాకుండా, భారీగా డబ్బు గిరాకీ జరుగుతున్న ఒక అండర్‌గ్రౌండ్‌ మార్కెట్ లాగా మారిందని సూచనలు లభిస్తున్నాయి.
అలాగే రవి కొందరు ప్రముఖ బిజినెస్‌ మేన్లతో కూడా సంబంధాలు పెట్టుకున్నాడని, వారిలో ఒకరు ఇండస్ట్రీలో పేరొందిన వ్యక్తి అనే వార్తలు వెలుగులోకి రావడం మరోసారి చర్చకు దారితీసింది. ఈ సంబంధాలన్నీ ఐబొమ్మ నెట్వర్క్ వ్యాప్తిపై పెద్ద ప్రశ్నలు రేకెత్తిస్తున్నాయి. సీసీఎస్‌లో జరిగిన దీర్ఘ విచారణ తర్వాత, రవిని నాంపల్లి కోర్టులో హాజరుపర్చగా, న్యాయస్థానం అతనికి 14 రోజుల రిమాండ్ విధించింది. దీంతో అతడిని చంచల్‌గూడా జైలుకు తరలించారు. రవితో పాటు మరికొందరిని కూడా త్వరలో అరెస్ట్ చేసే అవకాశం ఉన్నట్లు తెలుస్తోంది.ఇదంతా చూస్తుంటే—ఐబొమ్మ కేసు కేవలం పైరసీ వ్యవహారం కాదు… దాని వెనుక భారీ ఆర్థిక లావాదేవీలు, నెట్వర్క్, ప్రముఖుల సంబంధాలు ఉన్న పెద్ద స్కాం దాగి ఉన్నట్టు సూచనలు కనిపిస్తున్నాయి.అదే ఇప్పుడు దర్యాప్తును సినిమా కథలా యాక్షన్‌, ట్విస్టులతో ముందుకు తీసుకెళ్తోంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి