కేంద్ర న్యాయశాఖ మంత్రి రవిశంకర్ ప్రసాద్ కొద్దిలో పెద్ద ప్రమాదం నుంచి తప్పించుకున్నారు. అదృష్టం అయన పక్షం లేకుంటే ఇపుడు మరోలా ఉండేది. ప్రస్తుతం బీహార్ లో ఎన్నికల హడావిడి జరుగుతోంది. ఈ సందర్భంగా ఈయన ప్రచార కార్యక్రమాల్లో పాల్గొనడానికి వెళ్లారు. ఆ రాష్ట్రంలోని వివిధ సభల్లో బీహార్ మంత్రులు మంగళ్ పాండే సంజయ్ ఝాలతో కలిసి హెలిక్యాప్టర్ లో పర్యటిస్తూ మాట్లాడుతున్నారు. ఈ క్రమంలోనే కేంద్రమంత్రి రవిశంకర్ ప్రయాణిస్తున్న హెలికాప్టర్ బీహార్ రాజధాని పాట్నా విమానాశ్రయంలో ప్రమాదానికి గురైంది. ఈ ప్రమాదం కరెంట్ తీగల కారణంగా జరిగినట్లు అధికారులు తెలిపారు. హెలికాప్టర్ ఈ కరెంట్ తీగలకు తగలడం వలన దాని రెక్కలు విరిగిపోయాయి, దీనితో అందరూ చాలా ఆందోళనకు గురయ్యారు.
అయితే ఆ భగవంతుని దయ వలన ఈ ప్రమాదం నుంచి కేంద్ర మంత్రి రవిశంకర్ క్షేమంగా బయటపడ్డారు. ఇదే హెలికాప్టర్ లో ఆయనతో పాటుగా మంత్రులు మంగళ్ పాండే, సంజయ్ ఝాలు కూడా ఉన్నారు. బీహార్ లో న్నికల ప్రచారం ముగించుకొని వస్తుండగా ఈ ప్రమాదం జరిగింది. అయితే పైలట్ ఎంతో చాకచక్యంగా ఈ ప్రమాదాన్ని గుర్తించి కిందకు దించడంతో ఎటువంటి ప్రాణనష్టం వాటిల్లకుండా పెద్ద ప్రమాదం తప్పింది.