భోజనం చేసేటప్పుడు ఎలాంటి అలవాట్లను పాటిస్తున్నారూ అన్న దానిపై కూడా ఎవరు దృష్టి పెట్టడం లేదు. సాధారణంగా అయితే భోజనానికి అరగంట ముందు.. లేదా భోజనం చేసిన అరగంట తర్వాత మంచి నీళ్ళు తాగడం ఆరోగ్యానికి మంచిది అని చెబుతూ ఉంటారు పెద్దలు. కేవలం పెద్దలు చెప్పడమే కాదు అటు ఎన్నో అధ్యయనాల్లో కూడా ఇదే విషయం వెల్లడైంది. ఆరోగ్య నిపుణులు కూడా ఇదే సూచిస్తూ ఉంటారు. అయితే కొంతమంది పెద్దలు నిపుణులు సూచించినట్లుగా భోజనానికి ముందు భోజనం తర్వాత నీళ్ళు తాగుతారు కానీ కొంతమంది మాత్రంభోజనం చేస్తున్న సమయంలో నీళ్లు తాగడానికి ఇష్టపడుతూ ఉంటారు.
ఇకపోతే భోజనం చేస్తున్న సమయంలో ఎక్కువగా నీరు తీసుకోవడం వల్ల ఆరోగ్యానికి హానికరం అన్నది అర్థం అవుతుంది. భోజనం చేస్తుండగా నీళ్లు తాగడం వల్ల నీరసం అలసట అలాంటి వచ్చే అవకాశం ఉంది అని అంటున్నారు నిపుణులు. ఇక భోజనం సమయంలో నీళ్లు ఎక్కువగా తీసుకోవడం వల్ల జీర్ణాశయంలో విడుదలైన జీర్ణరసాలు పలుచబడి పోయే అవకాశం ఉందని తద్వారా తీసుకున్న ఆహారం జీర్ణం అయ్యేందుకు చాలా సమయం పట్టే అవకాశం ఉందని అంటున్నారు. తేన్పులు, అజీర్తి, కడుపు ఉబ్బరం మలబద్ధకం లాంటి సమస్యలు కూడా వస్తాయట. అయితే భోజనం సమయంలో పూర్తిగా నీరు తీసుకోవద్దు అని కాదు ఒకవేళ తీసుకోవాల్సి వస్తే.. కొద్ది కొద్దిగా మాత్రమే తీసుకోవటంమంచిదని అంటున్నారు నిపుణులు.
