అయితే మొన్నటి వరకు సెకండ్ వేవ్ ప్రభావంతో ప్రపంచ దేశాలు అల్లాడి పోయాయి. ఊహించని రీతిలో వేగంగా దూసుకొచ్చిన సెకండ్ అల్లకల్లోల పరిస్థితుల ను సృష్టించింది అని చెప్పడంలో అతిశయోక్తి లేదు. చూస్తూ చూస్తుండగానే కరోనా వైరస్ కేసుల సంఖ్య భారీగా పెరిగిపోయాయి. విపత్కర పరిస్థితులు వచ్చాయి. అయితే ప్రస్తుతం ప్రపంచ దేశాలు కరోనా వైరస్ నుంచి ఇపుడిపుడే బయటపడుతున్నాయి. అదే సమయంలో అటు వ్యాక్సినేషన్ ప్రక్రియ కూడా ప్రారంభమైంది. ఇలాంటి నేపథ్యంలో పుట్టుకొస్తున్న కొత్త వేరియంట్ లు మాత్రం మళ్లీ భయపెడుతున్నాయి.
ఇటీవల బ్రిటన్లో మరో కొత్త వేరియంట్ వెలుగులోకి వచ్చింది. ఈ విషయాన్ని ఇటీవలే బ్రిటన్ శాస్త్రవేత్తలు స్పష్టం చేశారు. ఇప్పటికే యూకేలో పలు రకాల కొత్త వేరియంట్లు బయటపడ్డాయి. ఇప్పుడు ఈ కొత్త వేరియంట్ మరింత భయపెడుతోంది. ఇక ఈ కొత్త వేరియంట్ను అండర్ ఇన్వెస్టిగేషన్ గా యూకే ప్రభుత్వం గుర్తించింది. ఇక ఈ కొత్త వేరియంట్ను బి 1.621 బ్రిటన్ శాస్త్రవేత్తలు చెబుతున్నారు. ఇక ఇటీవలే కొలంబియాలో ఈ కొత్త వేరియంట్ వెలుగులోకి వచ్చినట్లు శాస్త్రవేత్తలు చెబుతున్నారు. అయితే ఇది అంత వేగంగా వ్యాప్తి చెందడం లేదని గుర్తించారు శాస్త్రవేత్తలు. దీనికి సంబంధించి మరిన్ని విషయాలు తెలుసుకునేందుకు అధ్యయనాలు జరుపుతున్నారు.
