దీంతో అటు అభిమానులు అందరిలో తీవ్ర ఉత్కంఠ నెలకొంది. ఐపీఎల్ సీజన్ లో దిగ్గజ జట్లుగా కొనసాగుతున్న జట్లను సైతం ఓడిస్తూ అద్భుత ప్రదర్శన చేస్తోంది సన్రైజర్స్ హైదరాబాద్ జట్టు. మొన్నటివరకు పేలవ ప్రదర్శనతో విమర్శలు ఎదుర్కొన్న జట్టు ప్రస్తుతం ఊహించని రీతిలో విజయాలు అందుకుంటుంది. అయితే నిన్న హైదరాబాద్ జట్టు కెప్టెన్ డేవిడ్ వార్నర్ బర్త్ డే అన్న విషయం తెలిసిందే. ఈ క్రమంలోనే డేవిడ్ వార్నర్ బర్త్ డే కి జట్టు అసలుసిసలైన బర్త్ డే గిఫ్ట్ ఇచ్చింది.
ఢిల్లీ క్యాపిటల్స్ సన్రైజర్స్ హైదరాబాద్ జట్ల మధ్య మ్యాచ్ జరిగిన విషయం తెలిసిందే. ఈ మ్యాచ్లో మొదట బ్యాటింగ్ విభాగంలో పూర్తి ఆధిపత్యం సాధించింది సన్రైజర్స్ హైదరాబాద్ జట్టు. ఇక ఆ తర్వాత బౌలింగ్ విభాగంలో కూడా పూర్తిగా ఆధిపత్యం సంపాదించి ఘనవిజయాన్ని సొంతం చేసుకుంది. ఇక ఈ సీజన్లో మునుపెన్నడూ లేని విధంగా ఏకంగా 88 పరుగుల తేడాతో సన్రైజర్స్ హైదరాబాద్ జట్టు ఘన విజయం సాధించి తమ జట్టు సారథి డేవిడ్ వార్నర్ కి అదిరిపోయే గిఫ్ట్ ఇచ్చింది. ఇక దీంతో ఇదే డేవిడ్ బాయ్ బర్త్ డే కి అసలు సిసలైన గిఫ్ట్ అని ప్రేక్షకులు కూడా భావిస్తున్నారు.