ప్రస్తుతం భారత జట్టులో నాలుగవ స్థానంలో నమ్మదగిన ఆటగాడిగా మారిపోయిన సూర్య కుమార్ యాదవ్ జట్టులోకి వచ్చి ఏడాది తిరగకుండానే ఐసీసీ ర్యాంకింగ్స్ లో నెంబర్ వన్ స్థానాన్ని సొంతం చేసుకున్నాడు అని చెప్పాలి. అంతేకాకుండా ఇక తన అగ్రస్థానాన్ని నిలబెట్టుకుంటూ భారీగా పరుగులు చేస్తూ ఉన్నాడు. మొన్నటికీ మొన్న ఆస్ట్రేలియాలో జరిగిన వరల్డ్కప్ లో విజృంభించిన సూర్య కుమార్ యాదవ్... ఇటీవల న్యూజిలాండ్ తో జరిగిన టి20 సిరీస్లో సైతం 51 బంతుల్లోనే సెంచరీ చేసి ఆకట్టుకున్నాడు.
ఈ క్రమంలోనే అతనిపై ప్రశంసలు కురిపించకుండా ఉండలేకపోతున్నారు ప్రతి ఒక్కరు. ఇక ఇటీవల సూర్య కుమార్ యాదవ్ బ్యాటింగ్ విధ్వంసం పై స్పందించిన ఆస్ట్రేలియా స్టార్ ఆల్ రౌండర్ మ్యాక్స్ వెల్ ఆసక్తికర వ్యాఖ్యలు చేశాడు. నిలకడైన ఆటకు మారుపేరుగా మారిన సూర్యకుమార్ మాకు తలనొప్పి తెప్పిస్తున్నాడు. ఆస్ట్రేలియా కాదు ప్రపంచంలోనే ఇప్పుడు తన దరిదాపుల్లోనే వెళ్లే ఆటగాడు మరొకరు లేరంటే అతిశయోక్తి లేదు. ఐపీఎల్లో తన ప్రదర్శనతో ఒక్కోసారి బట్లర్ సూర్య కుమార్ యాదవ్ తో పోటీ పడగలడు అంటూ చెప్పుకొచ్చాడు మాక్స్వెల్. అంతలోనే బిగ్ బాష్ లీగ్ ప్రస్తావన రావడంతో మా దగ్గర సూర్యకుమార్ను కొనగలిగే అంత డబ్బు లేదు. ఒకవేళ తనను సొంతం చేసుకోవాలంటే క్రికెట్ ఆస్ట్రేలియా జట్టులోని ప్రతి ఆటగాడు సెంట్రల్ కాంట్రాక్ట్ ప్లేయర్లను తొలగించాల్సి వస్తుందేమో. అందరి జీతం కట్ చేస్తే అప్పుడైనా అతని కొనగలుగే స్తోమత వస్తుందంటూ ఆసక్తికర వ్యాఖ్యలు చేశాడు.
