ఇక 174 టార్గెట్ తో బరిలోకి దిగిన కొలొంబో 152 పరుగులకే చేతులెత్తేసింది. విజయకాంత్ వియాస్కాంత్ (4-0-17-2) మాయాజాలం ధాటికి 19.4 ఓవర్లలోనే కుప్పకూలింది. దీంతో జాఫ్నా కింగ్స్ 21 పరుగుల తేడాతో గెలుపును తన ఖాతాలో వేసుకుంది. విజయకాంత్తో పాటు హర్దుస్ విల్జోయెన్ (3/31), దిల్షన్ మధుషంక (2/18), తిసార పెరీరా (1/29) రాణించారు. మొదటి మ్యాచ్ లోనే భారీ అంచనాలతో వచ్చిన కొలొంబో స్ట్రయికర్స్ చేతులెత్తేసింది. కెప్టెన్ నిరోషన్ డిక్వెల్లా ఒక్కడే అర్థ సెంచరీతో పర్వాలేదనిపించాడు. ఇక ఎన్నో అంచనాలు పెట్టుకున్న బాబర్ ఆజమ్ 7 పరుగులు మాత్రమే చేసాడు. పెరీరా బౌలింగ్లో బౌండరీ బాదిన ఆజమ్, ఆ తరువాత క్లీన్ బౌల్డ్ అయ్యాడు. ఆ తరువాత వచ్చిన బ్యాట్స్ మెన్ కూడా చేతులెత్తేయడంతో మ్యాచ్ వన్ సైడ్ అయిపోయింది. అయితే బాబర్ ఆజమ్ ఒక అనామక కుర్రాడు చేతిలో క్లీన్ బౌల్డ్ అవ్వడంతో ఇప్పుడిదే హాట్ టాపిక్ అయ్యింది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి