కత్తికి రెండువైపులా పదును ఉన్నట్టుగా ఈ సాంకేతికత కు కూడా రెండు వైపులు ఉన్నాయి. అంటే వీటితో ఎంత మేలు జరుగుతుందో అంత నష్టం కూడా జరుగుతుంది. మద్యపానం ఆరోగ్యానికి హానికరం అని చెప్పినప్పటికీ ఆదో సామజిక వ్యసనం ఎలా అయిందో, ఈ సామజిక మాధ్యమాలు కూడా అంతే ప్రభావం చూపుతున్నాయి. ఫేస్ బుక్ లో అయితే రోజుకొక ఘటన వెలుగులోకి వస్తున్నాయి. అందులో ప్రేమ వ్యవహారాలలో మోసపోయిన వారు, ఆత్మహత్యలు లైవ్ టెలికాస్ట్ చేస్తున్న వారి సంఖ్య బాగా పెరుగుతుంది. దీనితో ఈ ప్రభావం ఇతరుల పై కూడా పడుతుంది.
తాజాగా మరో లైవ్ ఆత్మహత్య వెలుగులోకి వచ్చింది. ఒక భర్త తన భార్య ఆమె కుటుంబ సభ్యుల వేధింపులు తాళలేక ఆత్మహత్య చేసుకుంటూ అది ఫేస్ బుక్ లైవ్ ప్రసారం చేశాడు. దానిని చుసిన అతడి మిత్రులు అధికారులకు పిర్యాదు చేశారు. అయితే సదరు భార్య గతంలోనే భర్త తనపై గృహ హింసకు పాల్పడుతున్నట్టు పోలీస్ స్టేషన్ లో పిర్యాదు నమోదు చేసింది. ఒక ప్రైవేట్ ఆసుపత్రిలో మేనేజర్ గా పనిచేస్తున్న అతడు ఆరేళ్ళ క్రితం ఆమెను పెళ్లి చేసుకున్నాడు. కుటుంబ కలహాల నేపథ్యంలో ఆత్మహత్యకు పాల్పడినట్టు అనుమానిస్తున్నారు అధికారులు. పిర్యాదు నమోదు చేసుకున్న అధికారులు నిజనిజాలు తేల్చేందుకు విచారణ చేస్తున్నారు.