ఈ లాక్ డౌన్ సమయంలో అందరు కూడా ఇంటికే పరిమితం అయిన విషయం అందరికి తెలిసిందే. అందరు ఇంటిలోనూ ఉంటారు కాబట్టి సాయంత్రం పూట మేము చెప్పే ఈ స్పెషల్ స్నాక్ ఐటమ్స్ ని ఒక్కసారి ట్రై చేసి చూడండి. చాలా రుచికరంగా ఉంటుంది. మరి ఆలస్యం చేయకుండా ఆ రెసిపీ ఏంటో ఒకసారి చూద్దామా.మీ అందరికి బీట్ రూట్ తెలిసే ఉంటుంది కదా.ఆరోగ్యానికి చాలా మంచిది. ఇది తినడం వలన రక్త శాతం అనేది పెరుగుతుంది. కానీ చాలామంది బీట్ రూట్ ఎర్రగా, తియ్యగా ఉండడం వలన తినడానికి ఇష్టపడరు. కానీ ఒక్కసారి బీట్ రూట్ తో పకోడీ వేసి చూడండి. వద్దు అనే మీరే చాలా బాగుంది అని అంటారు. మరి బీట్ రూట్ పకోడా ఎలా తయారు చేయాలో చూద్దామా. !
 
కావలసిన పదార్ధాలు : 

బీట్‌ రూట్‌ తురుము - అర కప్పు
పచ్చి శనగపప్పు - అర కప్పు ముందుగా (నాన బెట్టుకోవాలి) జీలకర్ర - పావు టీ స్పూన్
అల్లం-వెల్లుల్లి పేస్ట్‌ - 1 టీ స్పూన్
బియ్యపు పిండి - 1 టేబుల్‌ స్పూన్‌
మొక్కజొన్న పిండి(కార్న్ ఫ్లోర్ ) - 1 టేబుల్‌ స్పూన్‌
కారం - 1 టీ స్పూన్‌
ఉల్లిపాయలు - 2
కొత్తి మీర తురుము - కొద్దిగా
ఉప్పు - తగినంత
నూనె - డీప్‌ ఫ్రైకి సరిపడా
సన్నగా తడుముకున్న అల్లం ముక్కలు -కొద్దిగా

తయారీ విధానం :
ముందుగా ఒక బౌల్‌ తీసుకుని అందులో ముందుగా తడుముకున్న బీట్‌ రూట్‌ తురుము,అల్లం వెల్లుల్లి పేస్ట్, నానపెట్టుకున్న పచ్చి శనగపప్పు, బియ్యపు పిండి, మొక్కజొన్న పిండి, కారం, సన్నగా తరిగిన ఉల్లిపాయ ముక్కలు, సన్నగా తడుముకున్న అల్లం ముక్కలు,జీలకర్ర వేసుకుని ఒకసారి గరిటెతో బాగా కలుపుకోవాలి.ఈ మిశ్రమంలోనే  తగినంత ఉప్పు, కొత్తిమీర తురుము కూడా వేసుకుని పక్కన పెట్టుకోవాలి. ఇప్పుడు స్టవ్‌ ఆన్‌ చేసుకుని ఒక బాండీ పెట్టి తగినంత నూనె పోయాలి.నూనె  బాగా కాగిన తర్వాత పిండి మిశ్రమాన్ని కొద్ది కొద్దిగా తీసుకుని పకోడాలు లాగా వేసుకోవాలి.ఎర్రగా వేగాక ఒక ప్లేట్ లో తీసుకుని సర్వ్ చేసుకోవాలి. ఈ స్నాక్స్ ఐటమ్ ని పిల్లలు బాగా ఇష్టంగా తింటారు.సాయంత్రం పూట ఒకసారి ఈ బీట్ రూట్ పకోడాలను ట్రై చేసి చూడండి మరి.




మరింత సమాచారం తెలుసుకోండి:

India-herald special curry onion oil garlic cumin coriander. ishtam

Suma Kallamadi

24/05/2021 12:00 PM