ഇതിന്റെ തീയതി വൈകാതെ പ്രഖ്യാപിക്കും. മത്സര വിജയികൾക്ക് പരിക്ഷ പെ ചർച്ച 2021 ൽ നേരിട്ട് പങ്കെടുക്കാൻ അവസരം ലഭിക്കും. പരിപാടി ഈ വർഷം ഓൺലൈനായിട്ടായിരിക്കും നടത്തുക. 9 മുതൽ 12 വരെ ക്ലാസുകളിൽ പഠിക്കുന്ന വിദ്യാർത്ഥികൾക്ക് പരിക്ഷ പെ ചാർച്ച 2021 മത്സരത്തിൽ ഏതെങ്കിലും തീമുകൾക്ക് അവരുടെ പ്രതികരണങ്ങൾ സമർപ്പിച്ചുകൊണ്ട് പങ്കെടുക്കാൻ കഴിയും. വിജയികളിൽ നിന്നുള്ള ഒരു ചെറിയ കൂട്ടം വിദ്യാർത്ഥികൾക്ക് പ്രധാനമന്ത്രി മോദിയുമായി നേരിട്ട് സംവദിക്കാനും ചോദ്യങ്ങൾ ചോദിക്കാനും അവസരം ലഭിക്കുമെന്ന് ഔദ്യോഗിക പ്രസ്താവനയിൽ പറയുന്നു.
ഈ പ്രത്യേക വിജയികൾക്ക് പ്രധാനമന്ത്രിക്കൊപ്പം അവരുടെ ഓട്ടോഗ്രാഫ് ചെയ്ത ഫോട്ടോയുടെ ഡിജിറ്റൽ സുവനീർ ലഭിക്കും. വിജയികൾക്ക് പ്രത്യേകം രൂപകൽപ്പന ചെയ്ത സർട്ടിഫിക്കറ്റുകളും പരിക്ഷ പെ ചർച്ച കിറ്റുകളും ലഭിക്കും. രാജ്യത്തുടനീളമുള്ള ആയിരക്കണക്കിന് സ്കൂളുകൾ ഇതിൽ പങ്കെടുക്കുന്നു. രാജ്യത്തെ യുവാക്കൾ എങ്ങനെ ചിന്തിക്കുന്നുവെന്നും അവർ എന്താണ് ചെയ്യുന്നതെന്നും ഇതിലൂടെ ഒരു ധാരണയ ലഭിക്കുമെന്നും അദ്ദേഹം പറഞ്ഞു. പരീക്ഷ പെ ചർച്ച തന്റെ ഹൃദയത്തോട് ഏറ്റവും അടുത്തുള്ള പരിപാടിയാണെന്ന് പ്രധാനമന്ത്രി നരേന്ദ്ര മോദി കഴിഞ്ഞ വർഷത്തെ പരിപാടിയിൽ പറഞ്ഞു.
പ്രധാനമന്ത്രിയുടെ സ്കൂൾ, കോളേജ് വിദ്യാർത്ഥികളുമായുള്ള ആശയവിനിമയ പരിപാടിയുടെ ആദ്യ പതിപ്പ് ‘പരിക്ഷ പെ ചർച്ച 1.0’ 2018 ഫെബ്രുവരി 16 ന് ടോക്കറ്റോറ സ്റ്റേഡിയത്തിൽ നടന്നു. ഇത് പരിപാടിയുടെ നാലാമത്തെ പതിപ്പായിരിക്കും. വിദ്യാർത്ഥികൾക്ക് പുറമെ ഇത്തവണ 2.62 ലക്ഷം അധ്യാപകരും 93,000 രക്ഷകർത്താക്കളും പരീക്ഷാ പെ ചർച്ചയിൽ പങ്കെടുക്കാനായി രജിസ്റ്റർ ചെയ്തിട്ടുണ്ട്. ഓൺലൈൻ വഴി നടക്കുന്ന പരിപാടിയുടെ തീയതി ഉടൻ പ്രഖ്യാപിക്കും.