బరువు తగ్గాలనుకునే వారు ఖచ్చితంగా నీటిని ఎక్కువగా తీసుకోవాలి. వారి శరీరం ఎల్లప్పుడూ హైడ్రేటెడ్ గా ఉండేలా చూసుకోవాలి. నీటిని ఎక్కువగా తాగడం వల్ల శరీరంలో వ్యర్థాలు ఈజీగా తొలగిపోతాయి. ఇంకా జీర్ణవ్యవస్థ సక్రమంగా పనిచేస్తుంది. అవయవాల పనితీరు కూడా మెరుగుపడుతుంది. కాబట్టి ప్రతి రోజూ 10 నుండి 12 గ్లాసుల నీటిని తాగడం చాలా మంచిది. ఇంకా అలాగే ప్రతి రోజూ 7 నుండి 8 గంటల పాటు ఖచ్చితంగా నిద్రపోవాలి. తగినంత నిద్రలేకపోవడం వల్ల శరీరంలో హార్మోన్ల అసమతుల్యత వంటి సమస్యలు ఎక్కువగా తలెత్తుతాయి. శరీరంలో జీవక్రియల రేటు కూడా తగ్గుతుంది. కాబట్టి ప్రతి రోజూ 8 గంటల పాటు నిద్రపోవడం చాలా మంచిది. ఇంకా అలాగే బరువు తగ్గాలనుకునే వారు చాలా మంది అల్పాహారాన్ని తీసుకోవడం కూడా మానేస్తూ ఉంటారు.కానీ ఇది అసలు మంచి పద్దతి కాదు. ప్రతి రోజూ తప్పకుండా అల్పాహారంని తీసుకోవాలి.అల్పాహారంని తినడం వల్ల శరీరం సరైన పద్దతిలో పయనిస్తుంది. ఇంకా అదే విధంగా ప్రతిరోజూ అరగంట పాటు వ్యాయామం చేయాలి.
ఎందుకంటే వ్యాయామం చేయడం వల్ల శరీరంలో అధికంగా ఉండే కొవ్వు ఖర్చవుతుంది. హార్మోన్ల పనితీరు కూడా మెరుగుపడుతుంది. అలాగే జీవక్రియల రేటు పెరుగుతుంది. ఇక బరువు తగ్గాలనుకునే వారు ఉప్పును కూడా తక్కువగా తీసుకోవాలి. ఉప్పు ఎక్కువగా వున్న చిరుతిళ్లను, ప్యాకేజ్డ్ ఫుడ్ ను , సాస్ లను తీసుకోవడం తగ్గించాలి. అలాగే బరువు తగ్గాలనుకునే వారు నెమ్మదిగా భోజనం చేయాలి. స్పూన్ తో లేదా ఫోర్క్ తో లేదా చేత్తో తినేటప్పుడు కేవలం కొద్ది ఆహారాన్ని మాత్రమే తీసుకుని తినాలి.ఇంకా తినేటప్పుడు మధ్య మధ్యలో కొద్ది కొద్దిగా నీటిని తాగుతూ ఉండాలి. ఇలా చేయడం వల్ల ఆకలి తగ్గడంతో పాటు జీర్ణవ్యవస్థ కూడా చురుకుగా పని చేస్తుంది. ఇంకా అదే విధంగా బరువు తగ్గాలనుకునే వారు ప్రోటీన్ ఎక్కువగా ఉండే ఆహారాన్ని తీసుకోవాలి.ఎందుకంటే ప్రోటీన్ ఎక్కువగా ఉండే ఆహారాన్ని తీసుకోవడం వల్ల అది జీర్ణమవ్వడానికి సమయం ఎక్కువగా పడుతుంది.అందువల్ల మనకు త్వరగా ఆకలి వేయకుండా ఉంటుంది.ఈ విధంగా రోజూ ఈ నియమాలను పాటించడం వల్ల మనం చాలా ఈజీగా త్వరగా బరువు తగ్గవచ్చని ఆరోగ్య నిపుణులు చెబుతున్నారు.
మరింత సమాచారం తెలుసుకోండి:
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి