యూనియన్ నాయకులే ఇలా వ్యవహరిస్తే, పరిస్థితి ఎప్పటికీ ముందుకు వెళ్లదని ఆయన అభిప్రాయపడ్డారు. ఫిల్మ్ చాంబర్ కావచ్చు, నిర్మాత మండలి కావచ్చు – ఏ సంస్థ అయినా సరే, పని చేసిన వారికి వారి పేమెంట్స్ను సమయానికి చెల్లించడమే అసలు రూల్ అని దాము స్పష్టం చేశారు. ప్రతి సమస్యను అదే సమయంలో పరిష్కరించుకునే ప్రయత్నం చేస్తే, పెద్ద ఎత్తున వివాదాలు రావడానికి ఆస్కారం ఉండదని ఆయన అన్నారు.అయితే, ఈ రూల్స్ను పాటించకుండా ‘వాళ్లు కష్టాల్లో ఉన్నారు’, ‘రేపు ఇస్తారు’, ‘ఎల్లుండి ఇస్తారు’ అనే నిర్లక్ష్య ధోరణితో వ్యవహరిస్తే, యూనియన్లను నమ్ముకుని జీవిస్తున్న కార్మికుల పరిస్థితి ఏమవుతుందని దాము ప్రశ్నించారు. సినిమా రంగంలో పనిచేసే ఫైటర్స్ కావచ్చు, మేకప్ ఆర్టిస్ట్లు కావచ్చు, టెక్నీషియన్లు కావచ్చు, డ్యాన్సర్స్, సింగర్స్, కొరియోగ్రాఫర్స్ – ఎవరు అయినా సరే, వారందరికీ సమయానికి పారితోషికం అందాల్సిందేనని ఆయన గట్టిగా చెప్పారు.
ప్రతి పనికీ ఒక నిర్దిష్టమైన టైమ్ ఉండాలి, పని పూర్తయ్యిన వెంటనే పేమెంట్ కూడా పూర్తవ్వాలి అనే నియమాన్ని ఖచ్చితంగా అమలు చేయాలని దాము సూచించారు. అలా చేస్తే అసలు సమస్యలే రావని ఆయన అభిప్రాయం. కానీ, నిన్ను నమ్ముకుని పనిచేసే కార్మికుల గురించి ఆలోచించకుండా, ‘నాకు నేనే తోపు’ అన్న భావనతో వ్యవహరిస్తే అది ఎంతవరకు న్యాయమని ఆయన నిలదీశారు.నిజానికి నిర్మాత దాము మాట్లాడిన మాటల్లో పూర్తి న్యాయం ఉందని సినీ పెద్దలు కూడా అభిప్రాయపడుతున్నారు. అందరూ రూల్స్ను కచ్చితంగా ఫాలో అయితే, సినిమా రంగంలో ఎలాంటి సమస్యలు తలెత్తవని వారు అంటున్నారు. సమస్య వచ్చినప్పుడే దానికి పరిష్కారం వెతుక్కోవడం, సమయానికి బాధ్యతగా వ్యవహరించడం వల్లే పరిశ్రమ ఆరోగ్యంగా ముందుకు సాగుతుందని వారు చెబుతున్నారు.
ఇప్పుడు చూడాల్సింది ఒక్కటే – నిర్మాత దాము చెప్పిన ఈ మంచి మాటలను యూనియన్లు, అలాగే సంబంధిత వర్గాలు ఎంతవరకు అమలు చేస్తాయన్నది. మాటలకే పరిమితం కాకుండా, ఆచరణలోకి తీసుకొస్తేనే సినిమా రంగంలో నిజమైన మార్పు కనిపిస్తుందని పలువురు ఆశాభావం వ్యక్తం చేస్తున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి