ఇటీవల అధికారికంగా పూజా కార్యక్రమాలు జరుపుకున్న ఈ సినిమాని ప్రముఖ సంస్థ హారికా హాసిని క్రియేషన్స్ వారు ఎంతో భారీ వ్యయంతో నిర్మించనుండగా మది ఫోటోగ్రఫి అందించనున్నారు. యువ భామ పూజా హెగ్డే హీరోయిన్ గా నటించనున్నట్లు యూనిట్ ప్రకటించింది. అయితే లేటెస్ట్ టాలీవుడ్ వర్గాల సమాచారం ప్రకారం ఈ మూవీ నుండి కొన్ని అనివార్య కారణాల వలన పూజా తప్పుకున్నట్లు సమాచారం. ఈ వార్త మూడు రోజులుగా మీడియా మాధ్యమాల్లో విస్తృతంగా ప్రచారం అవుతుండడంతో ఆమె నిజంగానే ఈ ప్రాజక్ట్ నుండి తప్పుకున్నట్లు కొందరు ఇండస్ట్రీ వర్గాల వారు కూడా అంటున్నారు.
మరోవైపు నిన్న త్రివిక్రమ్, తమిళ నటి ప్రియాంక మోహన్ ని కలిసి ఆమెకు ఈ మూవీ కథ వినిపించినట్లు వినికిడి. ఆమె ఆల్మోస్ట్ పూజా స్థానంలో ఫైనలైజ్ అయినట్లు చెప్తున్నారు మరికొందరు. ఆ విధంగా మహేష్, త్రివిక్రమ్ ల ప్రాజక్ట్ హీరోయిన్ విషయమై పలు వార్తలు ప్రచారం అవుతూ ఉండడంతో పక్కాగా అసలు ఈ మూవీలో పూజా ఉన్నారా లేదా అనేది స్వయంగా యూనిట్ అధికారికంగా ప్రకటించాలని, అప్పటివరకు ఇటువంటివి నమ్మలేం అని అంటున్నారు విశ్లేషకులు. త్వరలో సెట్స్ మీదకు వెళ్లనున్న ఈ మూవీ వచ్చే ఏడాది సమ్మర్ లో రిలీజ్ కానున్నట్లు టాక్.