బాలీవుడ్ బ్యూటీ కరీనా కపూర్ గురించి సినీ ప్రేమికులకు ప్రత్యేకంగా పరిచయం చేయాల్సిన అవసరం లేదు. ఈ ముద్దుగుమ్మ హిందీ మూవీ ల ద్వారా ఇండియా వ్యాప్తంగా మంచి క్రేజ్ ను , ఎంతో మంది అభిమానుల అభిమానాన్ని సంపాదించుకుంది. ఇది ఇలా ఉంటే తాజాగా కరీనా కపూర్ లాల్ సింగ్ చడ్డా అనే హిందీ మూవీ లో నటించిన విషయం మనందరికీ తెలిసిందే. 

ఈ మూవీ లో మిస్టర్ పర్ఫెక్ట్ అమీర్ ఖాన్ హీరోగా నటించగా, ఆయన ప్రేయసి పాత్రలో కరీనా కపూర్ కనిపించబోతోంది. ఇది ఇలా ఉంటే కొన్ని రోజుల క్రితమే ఈ సినిమా ప్రివ్యూ ని  మెగాస్టార్ చిరంజీవి , అక్కినేని నాగార్జున , అక్కినేని నాగ చైతన్య , ఎస్ ఎస్ రాజమౌళి , సుకుమార్ ...  అమీర్ ఖాన్ తో కలిసి చూపిన విషయం మనకు అందరికీ తెలిసిందే. ఇది ఇలా ఉంటే తాజాగా మెగాస్టార్ చిరంజీవి ఈ సినిమా నుండి కరీనా కపూర్ కు సంబంధించిన ఫస్ట్ లుక్ పోస్టర్ ను విడుదల చేశాడు. ఈ ఫస్ట్ లుక్ పోస్టర్ ను సోషల్ మీడియాలో విడుదల చేసిన మెగాస్టార్ చిరంజీవి ‘లాల్ సింగ్ చడ్డా’ ప్రేయసి ‘రూప’ని  మీకు పరిచయం చేస్తున్నాను...వీళ్లిద్దరి బంధం గురించి ఒక్క  మాటలో చెప్పాలంటే ‘ముద్దపప్పు-ఆవకాయ’. అంటూ రాసుకొచ్చారు.

ఈ సినిమా హిందీ తో పాటు తెలుగు లో కూడా విడుదల కాబోతోంది. ఈ సినిమాలో అక్కినేని నాగ చైతన్య ఒక కీలక పాత్రలో నటించాడు. ఈ మూవీ తో నాగ చైతన్య హిందీ ఇండస్ర్టీ లోకి ఎంట్రీ ఇవ్వబోతున్నాడు. ఈ సినిమాను ఆగస్ట్ 11 వ తేదీన విడుదల చేయనున్నట్లు చిత్ర బృందం ఇప్పటికే అధికారికంగా ప్రకటించింది. మరి ఈ సినిమా ఏ రేంజ్ విజయాన్ని అందుకుంటుందో చూడాలి.

మరింత సమాచారం తెలుసుకోండి:

Pulgam Srinivas

19/07/2022 01:54 PM