నందమూరి కళ్యాణ్ రామ్ హీరోగా తెరకెక్కిన 118 సినిమాతో దర్శకుడిగా మారిన గుహాన్ ఆ సినిమా కోసం కొత్త కథను ఎంచుకుని.. చాలా డిపరెంట్గా ప్రజెంట్ చేశాడన్న మంచి మార్కులు తెచ్చుకున్నాడు. ఇక వరుస ప్లాపుల్లో ఉన్న కళ్యాణ్ రామ్కు సైతం ఈ సినిమాతో మంచి హిట్ దక్కింది. ఈ క్రమంలోనే గుహన్ ప్రస్తుతం W W W సినిమా చేస్తున్నాడు. ఈ సినిమా టీజర్తోనే పెద్ద సంచలనం క్రియేట్ చేయడంతో పాటు గుహన్ ఏదో కొత్తగా చెప్పేందుకు ప్రయత్నిస్తున్నాడన్న ఆలోచన ప్రతి ఒక్కరిలో కలిగేలా చేసింది.
ఈ టీజర్ను ఇటీవలే మహేష్బాబు రిలీజ్ చేశాడు. తనకు ఇష్టం అయిన గుహన్ డైరెక్ట్ చేసిన సినిమా కావడంతో ఈ సినిమాను ముందు నుంచి మహేష్ ప్రోత్సహిస్తూనే ఉన్నాడు. 118 సినిమా చూసి మెస్మరైజ్ అయిన మహేష్ గుహన్ను పిలిపించుకుని మాట్లాడాడట. ఆ వెంటనే మీ టీజర్ను నేనే రిలీజ్ చేస్తానని మాట ఇవ్వడంతో పాటు టీజర్ రిలీజ్ చేశారు. ఇక W W W సినిమా ప్రమోషన్లకు కూడా తన వంతుగా కృషి చేస్తోన్నాడు. మీకు ఏ అవసరం అయినా నాకు చెప్పండి నేను మీ వెనక ఉంటా.. ఈ సినిమా ప్రమోషన్లకు కావాలంటే నేను కూడా వస్తానని మహేష్ గుహన్ కి బంపర్ ఆఫర్ ఇచ్చాడట.