విజయ్ దేవరకొండ తమ్ముడు ఆనంద్ దేవరకొండ ‘దొరసాని’ సినిమాతో తెలుగు తెరకు తెరంగేట్రం చేశాడు. భారీ అంచనాలతో రిలీజ్ అయిన ఈ సినిమా ప్రేక్షకులను అంతగా ఆకట్టుకోలేకపోయింది. దాంతో ఈ హీరోకు ఆశించినంత గుర్తింపు రాలేదు. దాంతో ఈ హీరో తర్వాత సినిమా ‘మిడిల్ క్లాస్ మెలోడీస్’ తో ఎంట్రీ ఇచ్చాడు. ఈ సినిమాలో ఆనంద్ తన నటన ప్రతిభను నిరూపించుకున్నాడు. ఈ మూవీ ఆనంద్ దేవరకొండకు మంచి విజయాన్ని సాదించిపెట్టింది. ఇంకేముంది ఈ హిట్ తో ఆనంద్ దేవరకొండకు వరుస సినిమా అవకాశాలు వస్తున్నాయి.
తాజాగా ఈ హీరోకు అవినాష్ కోకాటి అనే కొత్త దర్శకుడు చెప్పిన కథ బాగా నచ్చిందట. దాంతో ఈ సినిమా పట్ల ఫుల్ ఎగ్జైటెడ్ గా ఉన్నాడు ఈ యంగ్ హీరో. ముఖ్యంగా ఈ కథలో తన పాత్ర ఆనంద్ దేవరకొండకు బాగా నచ్చేసిందట. మొత్తంగా ఒక హిట్ ను తన ఖాతాలో వేసుకుని ఈ హీరో సినిమాల జోరును పెంచడానికి ఆసక్తి కనబరుస్తున్నాడు. చూడాలి మరి అన్నయ్య విజయ్ దేవరకొండలా ఆనంద్ దేవరకొండ కూడా స్టార్ అవుతాడో.. లేదో.. ఇక నుంచి ఈ హీరో వరుస సినిమాలతో బిజీగా మారబోతున్నాడని అర్థమవుతోంది. కాగా ఈ హీరో ప్రస్తుతం మరో సినిమా షూటింగ్ లో ఫుల్ బిజీగా ఉన్నాడు.