టాలీవుడ్ అగ్ర కథానాయకుడు మెగాస్టార్ చిరంజీవి తన జర్నీలో ఎన్నో వైవిధ్యమైన పాత్రలను పోషించి మెప్పించారు. చిరంజీవి కెరీర్ ప్రారంభంలోనే ఓ దర్శకుడు ఆయన్ని గమనించి స్వర్గీయ ఎన్టీఆర్లా పాపులారిటీ సంపాదించుకుంటావని జోస్యం చెప్పారు. ఇంతకీ ఆ దర్శకుడెవరు? ఏ సందర్భంలో అలా చెప్పారో ఇప్పుడు చూద్దాం.
39 ఏళ్ల ముందు కలెక్షన్ కింగ్ మోహన్బాబుతో చిరంజీవి కలిసి ‘బిల్లా రంగా’ అనే సినిమా చేశారు. ఈ చిత్రానికి కేఎస్ ఆర్ దాస్ దర్శకుడు. సినిమా షూటింగ్ సమయంలో ఓసారి చిరంజీవి చొక్కా మార్చుకుంటూ ఉండగా.. అనుకోకుండా అటు వైపు చూసిన దర్శకుడుకి, చిరు వీపుపై పెద్ద పుట్టు మచ్చ ఉందట. ఆ పుట్టు మచ్చను చూసిన దాస్ ‘ఎన్టీఆర్లానే నీకు మచ్చ ఉంది. నీకు మంచి భవిష్యత్తు ఉంటుంది. ఆయనలా నువ్వు చాలా పాపులర్ అవుతావు. పెద్ద స్టార్ అవుతావు’ అని అన్నారట. ఆయన అనడం వల్లనో, ఆ పుట్టు మచ్చ వల్లనో పక్కన పెడితే చిరంజీవి మాత్రం టాలీవుడ్లో నెంబర్ వన్ స్టార్ అయ్యారు. మెగాస్టార్ చిరంజీవిగా ప్రస్తుతం ఇండస్ట్రీకి పెద్ద దిక్కుగా మారారు.