ఇక ఈ సినిమాలో అన్నదమ్ముల మధ్య ఉండే ఎమోషన్స్.. గొడవలు.. ఒకరి కోసం ఒకరు చేసే పోరాటం అటు తెలుగు ప్రేక్షకులందరికీ ఎంతో కనెక్ట్ అయిపోతుంది. ఈ సినిమాలో అన్నదమ్ముల మధ్య ఉన్న స్టోరీ అటు నిజజీవితంలో కూడా ఉంటుంది. సాధారణంగా ఒక ఇంట్లో అన్నదమ్ములు చాలా తక్కువగా మాట్లాడుకుంటూ ఉంటారు. ఒకరికి ఒకరు పలకరింపులు కూడా తక్కువే. ఎప్పుడైనా మాట్లాడుకున్నా చిన్న చిన్న గొడవలు పడుతూ ఉంటారు. ఒకరంటే ఒకరికి అస్సలు పడదేమో అన్నట్లుగా ఉంటారు.. కానీ ఒకరి కోసం ఒకరు నిలబడాల్సి వస్తే.. ప్రాణాలను పణంగా పెట్టి తమ తోడబుట్టిన వారిని రక్షించుకుంటారు.
ఇక జీవితంలో జరిగే ఇదే విషయాన్ని అటు దర్శకుడు సురేందర్ రెడ్డి అద్భుతంగా తెరకెక్కించడంలో సక్సెస్ అయ్యాడు. ఈ సినిమాలో తమ్ముడిగా అల్లు అర్జున్.. అన్నగా నటుడు శ్యామ్.. నటిస్తారు. మొదటి నుంచీ ఎప్పుడూ గొడవ పడుతూ ఉంటారు వీరిద్దరు. ఇలాంటి సమయంలోనే ఇక పోలీస్ గా పనిచేస్తున్న తన అన్నకి ప్రమాదం ఉంది అని భావించిన తమ్ముడు.. ఇక తన అన్నని చంపాలి అనుకుంటున్న విలన్ను ఒక ఆట ఆడుకుంటాడు. అంతేకాదు అన్నదమ్ములు మాట్లాడక పోయినప్పటికీ ఆ కనెక్షన్ మాత్రం ఎప్పుడూ ఉంటుంది అంటూ అల్లు అర్జున్ చెప్పే డైలాగ్ లు ప్రతి ఒక్కరికి కనెక్ట్ అయి పోతూ ఉంటాయి. ఇలా అన్నదమ్ముల మధ్య ఉన్న ఎమోషన్స్ కళ్లకు కట్టినట్టుగా చూపించడంతో ఈ సినిమా ప్రేక్షకులకు తెగ కనెక్ట్ ఎక్కువైపోయింది.