ఎప్పుడైతే హ్యాపీడేస్ చిత్రం చేసిందో అప్పటి నుంచి సోనియా వెనక్కి తిరిగి చూసుకోలేదు. తొలిసారి హీరోయిన్ గా వినాయకుడు చిత్రంలో అవకాశం వచ్చింది. అందులోనూ నటించి.. ప్రేక్షకులతో శభాష్ అనిపించుకుంది. వినాయకుడు సినిమాలో స్రవంతి క్యారెక్టర్ కు న్యాయం చేసింది. తెలుగు హీరోయిన్ గా టాలీవుడ్ కు పరిచయమై.. అనేక తమిళ సినిమాల్లో తన నటనా ప్రతిభ కనుబరిచింది.
సోనియా దీప్తి పుట్టింది పెరిగిందీ అంతా హైదరాబాద్ లోనే. 1984సంవత్సరం జులై 29వ తేదీన భాగ్యనగరంలో జన్మించింది.
చదువంతా హైదరాబాద్ లోనే పూర్తి చేసింది. కంప్యూటర్ అప్లికేషన్స్ లో గ్రాడ్యుయేషన్ చదివింది. తర్వాత ఒక ఐటీ కంపెనీలో సాఫ్ట్ వేర్ ఇంజనీర్ గా ఉద్యోగం చేసింది. ఒక ప్రచార కార్యక్రమంలో సోనియా దీప్తిని చూసిన శేఖర్ కమ్ముల హ్యాపీ డేస్ చిత్రంలో అవకాశం కల్పించారు. అలా ఆమె సినిమా ఇండస్ట్రీకి పరిచయమయింది. సోనియా దీప్తి భవిష్యత్తులో మంచి నటిగా ఎదగాలని ఆశిద్దాం..
