అయితే ఇటీవలి కాలంలో యూట్యూబ్ లో ఎక్కువగా యువత ఎంచుకుంటుంది ఫ్రాంక్ వీడియోలు. ఇలా ఫ్రాంక్ వీడియోల ద్వారా ప్రస్తుతం యూట్యూబ్ లో ఎంతోమందినీ అలరిస్తున్నారు. అయితే ఇలా ఎవరో తెలియని వ్యక్తుల దగ్గరికి వెళ్లి ఏదో ఒకటి మాట్లాడటం లేదా బెదిరించడం.. లేదా గొడవలు పెట్టుకోవడం లాంటివి చేసి ఫ్రాంక్ వీడియోలు చేస్తున్నారు. ఇలాంటి వీడియోలు చేయడం ద్వారా ఎంతోమంది నెటిజన్లను ఆకర్షించి భారీగా ఆదాయాన్ని పొందుతున్నారు. ఇలా రోజురోజుకు యూట్యూబ్లో ఫ్రాంక్ వీడియోలు చేస్తున్నవారి సంఖ్య పెరిగిపోతుంది తప్ప ఎక్కడా తగ్గడం లేదు అని చెప్పడంలో అతిశయోక్తి లేదు.
అయితే కొన్ని కొన్ని సార్లు ఫ్రాంక్ వీడియోలు చేసినప్పుడు చేదు అనుభవం ఎదురవుతుంది ఇక్కడ ఓ యువకుడికి ఫ్రాంక్ వీడియో పిచ్చి ఏకంగా ఆ యువకుడికి దెబ్బలు తగిలేలా చేసింది. హైదరాబాద్ జగదీష్ మార్కెట్ లో ఇటీవలే ఓ యూట్యూబర్ ఫ్రాంక్ వీడియో తీసేందుకు ప్రయత్నించాడు. ఇక ఈ వీడియో కోసం అక్కడ ఉన్న ఒక దుకాణాదారుడితో గొడవ పడ్డాడు అయితే ఆ దుకాణదారుడు చాలా కోపిష్టి ఉన్నట్టున్నాడు. ఏకంగా కోపంతో ఊగిపోయి దారుణంగా ప్రాంక్ వీడియో చేస్తున్న యువకుడిని కొట్టాడు. అంకుల్ ఇది ప్రాంక్ అని చెప్పినప్పటికీ ఆ దుకాణదారుడు మాత్రం అస్సలు వినిపించుకోలేదు. దీంతో వీడియో కోసం చివరికి ఆ యువకుడు దెబ్బలు తినాల్సిన పరిస్థితులు ఏర్పడ్డాయి.
