సోను వ్యక్తిగత జీవితం విషయానికొస్తే... ఈ రియల్ హీరో జూలై 30న తన పుట్టినరోజును జరుపుకున్నాడు. అతను అంకితభావంతో ఉన్న భర్త, చురుకైన తండ్రి. ఆయన జీవితంలో ఓ ప్రేమ కథ ఉంది. ఆ రొమాంటిక్ లవ్ స్టోరీ సినిమా కథ కంటే ఏమాత్రం తక్కువ కాదు. సోను సూద్ తన భార్య సోనాలిని నాగపూర్‌లోని 'యశ్వంతరావు చవాన్ కాలేజ్ ఆఫ్ ఇంజనీరింగ్'లో చదువుతున్నప్పుడు కలిశాడు. అతను ఇంజనీరింగ్ విద్యార్థిగా ఉన్నప్పుడు, ఆమె ఎంబీఏ చదువుతోంది. కలిసి చదువుతున్నప్పుడు వారు ముందుగా మంచి స్నేహితులు అయ్యారు. తరువాత వారికి తెలియకుండానే లోతుగా ప్రేమలో పడ్డారు. ఈ జంట వివాహం చేసుకున్న తర్వాత కూడా ఒకే రూమ్ లో ముగ్గురు కష్టపడుతున్న బ్యాచిలర్ అబ్బాయిలతో కలిసి నివసించేవారు. మొదట్లో సోనాలికి సోను నటుడిగా మారడం ఇష్టం లేదట. కానీ చివరికి అతని నిర్ణయానికి తన సపోర్ట్ ఇచ్చిందట. సోనూ సూద్ పంజాబీ కుటుంబానికి చెందినవాడు, అతని భార్య సోనాలి ఒక సాధారణ తెలుగు కుటుంబానికి చెందినది. 1999లో "కాళ్లజగ" సినిమాతో సోనూ వెండితెర ప్రయాణం ప్రారంభించారు.
