టాలీవుడ్ సినిమా పరిశ్రమలో కామెడీ చిత్రాలకు కేరాఫ్ అడ్రస్గా నిలుస్తాడు అల్లరి నరేష్. అయన హీరోగా అల్లరి సినిమాతో తెలుగు ప్రేక్షకుల ముందుకు రాగా తొలి సినిమానే తన ఇంటిపేరుగా మార్చుకుని వరస కామెడీ చిత్రాలు చేసుకుంటూ హీరోగా నిలదొక్కుకున్నాడు. ఈవీవీ సత్యనారాయణ వారసుడిగా సినిమాల్లోకి ప్రవేశించిన అల్లరి నరేష్ మొదట్లో కామెడీ చిత్రాలు మాత్రమే చేస్తూ తనకంటూ ప్రత్యేక ఇమేజ్ ను ఏర్పర్చుకున్నాడు. తర్వాత తర్వాత విభిన్నమైన చిత్రాలు కొన్ని చేస్తూ అల్లరి నరేష్ తన లో అన్ని రకాల నటుడు దాగి ఉన్నాడని చెప్పాడు.
ఇక హీరోగా గత కొన్ని రోజులుగా ఆయనకు చేదు ఫలితాలు ఎదురవుతుండడంతో క్యారెక్టర్ ఆర్టిస్టుగా కూడా నటించడం మొదలు పెట్టాడు. మహేష్ బాబు పూజా హెగ్డే జంటగా నటించిన వంశీ పైడిపల్లి దర్శకత్వంలో తెరకెక్కిన మహర్షి అనే సినిమాలో అల్లరి నరేష్ నటించగా తెలుగు ప్రేక్షకులకు సరికొత్త పాత్రలో కనిపించాడు. దీంతో ఒక్కసారిగా తన కెరియర్ మొత్తం మారిపోయింది. అంతేకాదు ఆయన హీరోగా నటించిన నాంది సినిమా కూడా సూపర్ హిట్ కావడంతో అల్లరి నరేష్ మునుపటి వైభవం అందుకున్నాడు. నిజం చెప్పాలంటే క్యారెక్టర్ ఆర్టిస్ట్ గా మారిన తరువాతే అల్లరి నరేష్ ఇప్పుడు ఈ వరుస విజయాలు దక్కుతున్నాయి.
