‘പുഷ്പ’ ഡിസംബർ 17ന് തീയേറ്ററുകളിൽ എത്തും! രണ്ട് ഭാഗങ്ങളായി ഒരുക്കുന്ന സിനിമയുടെ ആദ്യ ഭാഗം 2021 ഡിസംബർ 17ന് തീയേറ്ററുകളിൽ പ്രദർശനത്തിനെത്തും. മലയാളികളുടെ പ്രിയതാരം ഫഹദ് ഫാസിൽ വില്ലൻ വേഷത്തിലെത്തുന്ന ചിത്രം കൂടിയാണ് പുഷ്പ. ബൻവാർ സിങ് ഷെഖാവത്ത് ഐ.പി.എസ് എന്ന പോലീസ് ഉദ്യോഗസ്ഥൻറെ വേഷമാണ് ഫഹദിൻറേത്. അല്ലു അർജുനെ നായകനാക്കി സുകുമാർ സംവിധാനം ചെയ്യുന്ന പുഷ്പയുടെ റിലീസ് പ്രഖ്യാപിച്ചു. തെലുങ്കിനോടൊപ്പം തമിഴ്, ഹിന്ദി, കന്നഡ, മലയാളം എന്നീ ഭാഷകളിലും ചിത്രം റിലീസ് ചെയ്യുന്നുണ്ട്. രശ്മിക മന്ദാന, ധനഞ്ജയ്, സുനിൽ, അജയ് ഘോഷ് തുടങ്ങിയവരാണ് ചിത്രത്തിൽ മറ്റു പ്രധാന കഥാപാത്രങ്ങളെ അവതരിപ്പിക്കുന്നത്. ആര്യ, ആര്യ 2 എന്നീ മെഗാഹിറ്റുകൾക്ക് ശേഷം അല്ലു അർജുനും സുകുമാറും ഒരുമിക്കുന്ന സിനിമ കൂടിയാണ് പുഷ്പ.
മലയാളിയായ ഓസ്ക്കാർ പുരസ്ക്കാര ജേതാവ് റസൂൽ പൂക്കുട്ടിയാണ് സിനിമയുടെ ശബ്‍ദ മിശ്രണം. ദേവി ശ്രീ പ്രസാദ് ആണ് സംഗീതം. മിറോസ്ല കുബ ബ്രോസെക് ആണ് ചിത്രത്തിൻറെ ക്യാമറ, എഡിറ്റിംഗ് കാർത്തിക ശ്രീനിവാസ്, പീറ്റർ ഹെയ്നും രാം ലക്ഷമണുമാണ് ചിത്രത്തിന്റെ ഫൈറ്റ് മാസ്റ്റേഴ്സ്. മേക്കപ്പ് നാനി ഭാരതി, കോസ്റ്റ്യൂം ദീപലി നൂർ, സഹസംവിധാനം വിഷ്ണു. പി.ആർ.ഒ ആതിര ദിൽജിത്ത് എന്നിവരാണ്. മുറ്റംസെട്ടി മീഡിയയുമായി ചേർന്ന് മൈത്രി മൂവി മേക്കേഴ്സ് ആണ് ചിത്രത്തിൻറെ നി‍ർമ്മാണ നിർവ്വഹണം.
അതേസമയം കഴിഞ്ഞ ദിവസമാണ് അല്ലു അർജ്ജുനെ നായകനാക്കി സുകുമാർ സംവിധാനം ചെയ്യുന്ന പുഷ്പ എന്ന പാൻ ഇന്ത്യൻ ചിത്രത്തെ പ്രതീക്ഷിച്ചിരിയ്ക്കുകയാണ് ആരാധകർ. ചിത്രത്തിലെ നായിക രശ്മിക മന്ദാനയുടെ ഫസ്റ്റ് ലുക്ക് പോസ്റ്റർ പുറത്ത് വിട്ടു. ഇതുവരെ കാണാത്ത ഗെറ്റപ്പിലും ലുക്കിലുമാണ് ചിത്രത്തിൽ രശ്മിക മന്ദാന. വളരെ അധികം അഭിനയ സാധ്യതയുള്ള വേഷമാണ് എന്നും വ്യക്തം. അല്ലു അർജ്ജുന് ഒപ്പം തുല്യ പ്രാധാന്യമുളള്ള പ്രതി നായക വേഷത്തിൽ ഫഹദ് ഫാസിൽ എത്തുന്നു എന്നതാണ് മലയാളികളെ സംബന്ധിച്ച് പുഷ്പ എന്ന ചിത്രത്തിൽ ഏറ്റവും പ്രതീക്ഷയുള്ള കാര്യം. ഫഹദിന്റെ ആദ്യ തെലുങ്ക് ചിത്രമാണ് പുഷ്പ.
തന്റെ ആദ്യതമിഴ് ചിത്രമായ വെലൈക്കാരനിലും ഫഹദ് വില്ലൻ വേഷത്തിലാണ് എത്തിയത്. മോസ്റ്റ് ഹാന്റ്‌സം വില്ലൻ എന്ന ഒരു വിളിപ്പേരും അന്യ ഭാഷയിൽ ഫഹദ് നേടിക്കഴിഞ്ഞു. ശ്രീവല്ലി എന്നാണ് രശ്മിക അവതരിപ്പിയ്ക്കുന്ന കഥാപാത്രത്തിന്റെ പേര്. കമ്മൽ ഇടുന്ന രശ്മികയെയാണ് പോസ്റ്ററിൽ കാണുന്നത്. അടുത്ത് പട്ട് സാരിയും മുല്ലപ്പൂവും കണ്ണാടിയും ഒക്കെ കാണാം, പിന്നിലെ കാഴ്ചകൾ അടുക്കളയിലാണ് നടി ഇരിയ്ക്കുന്നത് എന്നും വ്യക്തമാക്കുന്നു. ആരാധകരുടെ പ്രതീക്ഷ ഒട്ടും നിരാശപ്പെടുത്താത്ത വിധം തന്നെയാണ് നായികയെ പരിചയപ്പെടുത്തിക്കൊണ്ടുള്ള പോസ്റ്റർ.
Find out more:
click and follow Indiaherald WhatsApp channel