ഒരാളോട് സെക്‌സ് ചെയ്യാൻ താത്പര്യമുണ്ടെന്ന് പറയുന്നത് പോലും 'മീ ടൂ' ആണ്; വിവാദ പ്രസ്താവനയ്ക്ക് മാപ്പു പറഞ്ഞ് ധ്യാൻ ശ്രീനിവാസൻ! മീ ടൂ ആരോപണവുമായി ബന്ധപ്പെട്ട തൻ്റെ പരാമർശങ്ങളിൽ ഇപ്പോൾ വിശദീകരണവുമായി ധ്യാൻ എത്തിയിരിക്കുകയാണ്. മീ ടൂ മൂവ്‌മെൻ്റിനെ ഒരിക്കലും താൻ നിസാരമായി കണ്ടിട്ടില്ല എന്നും വിഷയത്തെ നിസ്സാരവത്ക്കരിക്കുന്ന രീതിയിലുള്ള തൻ്റെ സംസാരം ആരെയെങ്കിലും വേദനിപ്പിച്ചെങ്കിൽ മാപ്പ് പറയുകയാണെന്നും ധ്യാൻ പറഞ്ഞു. ധ്യാൻ ശ്രീനിവാസൻ ദി ക്യൂവിന് നൽകിയ അഭിമുഖത്തിലാണ് ഇക്കാര്യം പറഞ്ഞത്. ധ്യാനിൻ്റെ വിശദീകരണത്തോട് സമ്മിശ്രമായ കമൻ്റുകളാണ് സോഷ്യൽ മീഡിയയിൽ ഉയരുന്നത്. നടനും സംവിധായകനുമായ ധ്യാൻ ശ്രീനിവാസൻ അടുത്തിടെ നടത്തിയ പരാമർശം വലിയ വിവാദങ്ങൾ ക്ഷണിച്ച് വരുത്തുന്ന തരത്തിലുള്ളതായിരുന്നു. മീ ടൂ മൂവ്‌മെൻ്റിനെ താൻ കാണുന്നത് നിസ്സാരമായിട്ടേ അല്ല എന്നാണ് ധ്യാനിൻ്റെ വിശദീകരണം.
തന്നോട് ചോദിക്കുന്ന ചില ചോദ്യങ്ങളുടെ നിലവാരത്തകർച്ചയെ കുറിച്ച് ഓർക്കണം. ചേട്ടനെ ആരെങ്കിലും തേച്ചിട്ടുണ്ടോ എന്നാണ് എന്നോട് ചോദിച്ചത്. അടിസ്ഥാനപരമായി അത് സബ് സ്റ്റാൻഡേർഡ് ആയിട്ടുള്ള ഒരു ചോദ്യമാണെന്ന് ധ്യാൻ പറയുന്നു. എന്തിനാണ് അങ്ങനെയൊരു ചോദ്യമെന്ന് തനിക്ക് മനസിലായിട്ടില്ലെന്നും ധ്യാൻ ചൂണ്ടിക്കാട്ടുന്നു. ചേട്ടൻ ആരെയെങ്കിലും തേച്ചിട്ടുണ്ടോ എന്ന് ചോദിച്ചതിന് മറുപടിയായിട്ടാണ് ഞാൻ കുറേ പേരെ തേച്ചിട്ടുണ്ട് എന്ന് പറഞ്ഞത്. ചോദ്യത്തോട് വളരെ ലാഘവമായി മറുപടി കൊടുത്തതാണ്. അങ്ങനെ ഒന്നുമുണ്ടായിട്ടല്ല, എന്നെ കുറേ പേര് തേച്ചിട്ടുണ്ട് എന്നാണ് ഞാൻ പറഞ്ഞത് എങ്കിൽ ആരൊക്കെയാണ് അത് എന്നാവും അടുത്ത ചോദ്യം. അതുകൊണ്ടാണ് ഞാൻ കുറേ പേരെ തേച്ചിട്ടുണ്ട് എന്ന് പറഞ്ഞത്. ഇതിൻ്റെ ബാക്കിയായാണ് ഞാൻ ആ സ്‌റ്റേറ്റ്‌മെൻ്റ് പറഞ്ഞതെന്നും ധ്യാൻ പറയുന്നു. പണ്ടൊക്കെ മീ ടൂ ഉണ്ടായിരുന്നേൽ ഞാൻ പെട്ടുപോയേനെ, കുറേ വർഷം ഞാൻ അകത്തുകിടന്നേനെ എന്നായിരുന്നു ഞാൻ പറഞ്ഞത്.
ചെറു ചിരിയോടെയാണ് ഞാൻ അന്നത് പറഞ്ഞത്. ആ ചിരിച്ചതുമായി ബന്ധപ്പെട്ട് ഡോക്ടർ ആയ ഒരു ചേച്ചി ഒരു ഫേസ്ബുക്ക് പോസ്റ്റും ഇട്ടിരുന്നു. ഞാൻ പണ്ടു ചെയ്ത തോന്നിവാസവും പോക്രിത്തരവുമൊക്കെ ആലോചിക്കുമ്പോൾ ഞാൻ സാധാരണ ഒന്ന് ചിരിക്കും. അത് ഒരിക്കലും മറ്റുള്ളവരെ വേദനിപ്പിക്കാൻ വേണ്ടിയുള്ള ചിരിയോ ഒഫൻ്റ് ചെയ്യാൻ വേണ്ടിയുള്ള ചിരിയോ അല്ല. ഇപ്പറഞ്ഞ അതിജീവിതകളെ ഇൻസൾട്ട് ചെയ്യാനോ വിഷമിപ്പിക്കാനോ ഉള്ള രീതിയിലുള്ള കൊലച്ചിരിയോ അല്ലായിരുന്നു അത്. മറിച്ച് എൻ്റെ കഥകൾ ആലോചിച്ച് ചിരിച്ചതാണ്. ആ ചിരി ചിലരെ വിഷമിപ്പിച്ചു എങ്കിൽ ഞാൻ മാപ്പുപറന്നു. അങ്ങനെയൊന്നും ഉദ്ദേശിച്ചിട്ടല്ല ആ ചിരി വന്നത്. മീടൂ പ്രസ്താവനയെ കുറിച്ച്, ആരെങ്കിലും ഞാൻ മീ ടൂ ചെയ്തിട്ടുണ്ടെന്ന് സ്വയം പറഞ്ഞ് കേട്ടിട്ടുണ്ടോ? അങ്ങനെ ലോകത്തിൽ ആരെങ്കിലും ഉണ്ടാകുമോ? ധ്യാൻ മറുചോദ്യമുന്നയിച്ചു. മീ ടൂ എന്നത് അടിസ്ഥാനപരമായി സെക്ഷ്വൽ അസോൾട്ട് മാത്രമല്ല എന്ന് പലരും മനസിലാക്കിയിട്ടില്ല. എല്ലാവരുടേയും വിചാരം ഫിസിക്കലി അറ്റാക്ക് ചെയ്യുക എന്നത് മാത്രമാണ് മീ ടൂ എന്നാണ്. ഒരാളോട് പോയി സെക്‌സ് ചെയ്യാൻ താത്പര്യമുണ്ട് എന്ന് ചോദിക്കുന്നത് പോലും മീ ടൂ ആണ്.
ഇപ്പോഴും ഇത്തരം സെക്‌സ് ജോക്ക്‌സ് പറയുന്നവർ നമ്മുടെ സിനിമ ഇൻഡസ്ട്രിയിൽ തന്നെ ഉണ്ട്. സ്ത്രീകൾ ഇരിക്കുന്ന സമയത്ത് ഓപ്പൺ ആയി സെക്‌സ് ജോക്ക്‌സ് പറയുന്നവർ. അതൊക്കെ ഹറാസ്‌മെൻ്റ് തന്നെയാണ്, അത് വെർബൽ ഹറാസ്‌മെൻ്റാണ്. ഒരിക്കലും ചെയ്യാൻ പാടില്ലാത്ത കാര്യങ്ങൾ. നമ്മൾ ഉദ്ദേശിച്ചത് എന്താണ് എന്നതല്ല അതിലെ കാര്യം, അത് മനസിലാക്കണം. ആ പ്രായത്തിൽ ഞാൻ മനസിലാക്കാത്ത കാര്യങ്ങളായിരുന്നു ഇത്. അതെന്താണ്? ഇവിടെ മാത്രമേ ഇങ്ങനെ പൊത്തിപ്പിടിച്ച് മൂടി വളർത്തിയിട്ടുള്ളൂ. പുറമെ പോയി മിനി സ്‌കർട്ട് ഇട്ടുപോകുന്നതും മറ്റും കാണുമ്പോൾ അവന് കൗതുകമാണ്. നമ്മുടെ നാട്ടിലേ ഈ പ്രശ്‌നമുള്ളൂ. അവനാണ് സെക്ഷ്വലി ഏറ്റവും കൂടുതൽ ഫ്രസ്‌ട്രേറ്റഡ് ആയി നിൽക്കുന്നതെന്നും ധ്യാൻ പറയുന്നു. സെൻസിറ്റീവ് ആയ വിഷയത്തെ ഞാൻ സില്ലിയായി പറഞ്ഞു എന്നതാണ് അന്ന് അത്രയും വിവാദം ഉണ്ടായതെന്ന് മനസിലാക്കുന്നു. ഇപ്പോൾ എനിക്ക് ഒരു അവസരം കിട്ടിയപ്പോൾ ഞാൻ അത് വിശദീകരിച്ചതാണ് എന്നും ധ്യാൻ ശ്രീനിവാസൻ പറയുന്നു.
Find out more:
click and follow Indiaherald WhatsApp channel